ദൃശ്യത്തിലൂടെ മലയാള സിനിമയിലേക്കെത്തിയ അന്‍സിബ ഹസ്സന്‍ നായികയാകുന്ന ഉത്തര ചെമ്മീന്റെ ചിത്രീകരണം പുരോഗമിക്കുന്നു. ബിയോണാണ് ചിത്രത്തിലെ നായകന്‍. ബെന്നി അസംസ സംവിധാന ചെയ്യുന്ന ചിത്രത്തിന്റെ പ്രധാന ലൊക്കേഷന്‍ ചേര്‍ത്തലയാണ്. പൂര്‍ണ്ണമായും കടലോര മേഖലയെ പശ്ചാത്തലമാക്കി ചിത്രീകരിച്ചിരിക്കുന്ന സിനിമയില്‍ നീലിപ്പെണെന്ന കഥാപാത്രത്തെയാണ് അന്‍സിബ അവതരിപ്പിക്കുന്നത്. മധു, ദേവന്‍, ഇന്ദ്രന്‍സ്, പൊന്നമ്മ ബാബു എന്നിവരും പ്രമുഖ വേഷങ്ങളിലെത്തുന്നു.
രാമു കാര്യാട്ടിന്റെ ചെമ്മീന്‍ എന്ന സിനിമയിലെ പഞ്ചമി എന്ന കഥാപാത്രത്തിലൂടെയാണ് ഉത്തര ചെമ്മീന്‍ കഥ നടക്കുന്നത്. എന്നാല്‍ ചെമ്മീന്‍ എന്ന സിനിമയുമായി ഈ ചിത്രത്തിന് ബന്ധമില്ലെന്ന് അണിയറ പ്രവര്‍ത്തകര്‍ പറയുന്നു. ഗീതാ വിജയനാണ് പഞ്ചമി എന്ന കഥാപാത്രത്തെ അവതരിപ്പിക്കുന്നത്. മധുവും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നു.
ഹരിദാസ് ഹൈദ്രബാദാണ് ചിത്രം നിര്‍മ്മിക്കുന്നത്. അസോസിയേറ്റ് ഡയറക്ടര്‍ ശ്രീശോഭ് ബി നായര്‍, വയലാര്‍ ശരത്ചന്ദ്ര വര്‍മ്മയുടെ വരികള്‍ക്ക് വിനു ആനന്ദാണ് സംഗീത സംവിധാനം നിര്‍വ്വഹിക്കുന്നത്. കലാസംവിധാനം ശ്രീകുമാര്‍ പൂച്ചാക്കല്‍, മേക്കപ്പ് അനില്‍ പുളിയറക്കോണം, വസ്ത്രാലങ്കാരം വേലായുധന്‍ കീഴില്ലം.
പ്രതികരിക്കാൻ ഇവിടെ എഴുതുക: