മട്ടന്നൂര്‍: മട്ടന്നൂര്‍ ഉപജില്ലാ സ്‌കൂള്‍ കലോത്സവം 22 മുതല്‍ 26 വരെ പട്ടാന്നൂര്‍ കെപിസിഎച്ച്എസ്എസില്‍ നടക്കുമെന്ന് സംഘാടകര്‍ പത്രസമ്മേളനത്തില്‍ അറിയിച്ചു. 87 സ്‌കൂളുകളില്‍ നിന്ന് മൂവായിരത്തോളം വിദ്യാര്‍ത്ഥികള്‍ മേളയില്‍ പങ്കെടുക്കും.
സ്റ്റേജിന മത്സരങ്ങള്‍ 24 ന് ആരംഭിക്കും. 24 ന് രാവിലെ 9.30 ന് കെ.കെ.നാരായണന്‍ എംഎല്‍എ കലോത്സവം ഔദ്യോഗികമായി ഉദ്ഘാടനം ചെയ്യും.
26 ന് സമാപന സമ്മേളനം വൈകുന്നേരം 3 മണിക്ക് ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിംഗ് കമ്മറ്റി ചെയര്‍ പേഴ്‌സണ്‍ പി.റോസ ഉദ്ഘാടനം ചെയ്യും. ജില്ലാ പഞ്ചായത്ത് മെമ്പര്‍ കെ.പി.ഷജീറ സമ്മാനദാനം നിര്‍വ്വഹിക്കും.
എഇഒ പി.വി.ബാലകൃഷ്ണന്‍, പി.വി.രാധാകൃഷ്ണന്‍, ആര്‍.കെ.സദാനന്ദന്‍, സി.മനോഹരന്‍ എന്നിവര്‍ പത്രസമ്മേളനത്തില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: