മാന്നാര്‍: മോഷണ ശ്രമത്തിനിടെ രണ്ടുപേര്‍ പോലീസ് പിടിയിലായി. ചങ്ങനാശേരി തൃക്കൊടിത്താനം കോട്ടമുറി ഭാഗത്ത് പുലിക്കോട്ട് പടി പാറക്കടവ് വീട്ടില്‍ സുരേഷ് (32), മാവേലിക്കര ചുനക്കര വടക്കുംമുറി തോപ്പില്‍ കിഴക്കേതില്‍ പ്രസാദ് (39) എന്നിവരാണ് പിടിയിലായത്. ഗ്രാമപഞ്ചായത്ത് ഓഫീസിന് എതിര്‍വശത്ത് സ്‌റ്റേഷനറി കടയുടെ ഷട്ടര്‍ തകര്‍ത്ത് മോഷണം നടത്താനുള്ള ശ്രമത്തിനിടെയാണ് ഇരുവരും പിടിയിലായത്. രാത്രികാല പരിശോധനയ്‌ക്കിറങ്ങിയ എസ്‌ഐ: എസ്. ശ്രീകുമാര്‍, സിപിഒമാരായ പ്രമോദ്, പ്രദീപ്, ജോണ്‍സണ്‍ എന്നിവരുടെ നേതൃത്വത്തിലാണ് പിടികൂടിയത്. പോലീസിനെ കണ്ട് രക്ഷപെടാന്‍ ശ്രമിച്ച ഇവരെ പിന്തുടര്‍ന്ന് പിടികൂടുകയായിരുന്നു. മോഷണ കേസില്‍ മാന്നാറില്‍ നേരത്തെ അറസ്റ്റിലായിട്ടുള്ള സുരേഷ് നിരവധി കേസുകളില്‍ ജയിലില്‍ കിടന്നിട്ടുണ്ട്.
Saturday, November 23, 2024
മാന്നാറില്‍ മോഷണ ശ്രമത്തിനിടെ രണ്ടുപേര്‍ പോലീസ് പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: