മാവേലിക്കര: എസ്എന്‍ഡിപി യോഗത്തെ വിമര്‍ശിക്കുവാന്‍ രാഷ്ട്രീയക്കാര്ക്ക് അധികാരമില്ലെന്ന് എസ്എന്‍ഡിപി യോഗം ദേവസ്വം സെക്രട്ടറി അരയക്കണ്ടി സന്തോഷ്. യോഗം പന്തളം യൂണിയന്റെ നേതൃത്വത്തില്‍ സംഘടിപ്പിച്ച നേതൃത്വ സംഗമം ഉദ്ഘാടനം ചെയ്യുകയായിരുന്നു അദ്ദേഹം.
അധികാരവും സമ്പത്തും ഭൂമിയും സംഘടിത മത ശക്തികള്‍ കൂട്ടായ വിലപേശലിലൂടെ കൈക്കലാക്കി. മതന്യൂനപക്ഷങ്ങളുടെ സംഘടിത ശക്തിക്കു മുന്‍പില്‍ ഭരണകൂടങ്ങള്‍ മുട്ടുമടക്കുകയാണെന്നും അദ്ദേഹം പറഞ്ഞു. യൂണിയന്‍ പ്രസിഡന്റ് ഡോ.ഏ.വി. ആനന്ദരാജ് അദ്ധ്യക്ഷത വഹിച്ചു.
സെക്രട്ടറി അഡ്വ. സിനില്‍ മുണ്ടപ്പള്ളി, വൈസ് പ്രസിഡന്റ് റ്റി.കെ. വാസവന്‍, കെ.ജി. റാവു, മോഹനന്‍ പാറ്റൂര്‍, എസ്.ആദര്‍ശ്, ഉദയന്‍ പാറ്റൂര്‍, സുരേഷ് മുടിയൂര്‍കോണം, പുഷ്പാകരന്‍ വെട്ടിയാര്‍, അനില്‍ ഐസെറ്റ്, എം.ആര്‍. ഉദയന്‍, ദിലീപ് പെരുമ്പുളിക്കല്‍, രേഖ അനില്‍, ആര്‍.ശിവദാസന്‍, ശിവജി ഉള്ളന്നൂര്‍ എന്നിവര്‍ പ്രസംഗിച്ചു.
ആര്‍.സന്തോഷ് ബാബു, സൗമ്യമോഹന്‍, പി.ജെ. പ്രിയങ്ക, എ.ആര്‍. ഗായത്രി എന്നിവരെ ആദരിച്ചു. നേതൃപാടവം, വ്യക്തിത്വ വികസനം എന്ന വിഷയങ്ങളില്‍ ക്ലാസുകള്‍ സംഘടിപ്പിച്ചു. ഇന്ന് ചെറിയാന്‍ വര്‍ഗീസ്, ഡോ.ഏ.വി. ആനന്ദരാജ്, അഡ്വ.സിനില്‍ മുണ്ടപ്പള്ളി എന്നിവര്‍ ക്ലാസുകള്‍ നയിക്കും. സമാപന സമ്മേളനം യോഗം ധ്യാനാചാര്യന്‍ ശിവബോധാനന്ദ സ്വാമികള്‍ ഉദ്ഘാടനം ചെയ്യും.
പ്രതികരിക്കാൻ ഇവിടെ എഴുതുക: