ചിന്മയമിഷന്‍ മഹാമാതൃപൂജ അമ്പലപ്പുഴയില്‍ വ്യാഴാഴ്ച

ആലപ്പുഴ: നവരാത്രി മഹോത്സവത്തോട് അനുബന്ധിച്ച് ചിന്മയമിഷന്റെ ആഭിമുഖ്യത്തില്‍ മഹാമാതൃപൂജ മഹാനവമി ദിവസം വൈകിട്ട് അഞ്ചിന് അമ്പലപ്പുഴയില്‍ നടക്കും. വൃന്ദാവനം ഓഡിറ്റോറിയത്തിലാണ് പരിപാടി. കുട്ടികള്‍ തങ്ങളുടെ അമ്മമാരെ ദേവീ സങ്കല്‍പ്പത്തില്‍ പൂജിച്ച് അനുഗ്രഹം വാങ്ങുന്നു. മാഹാമാതൃപൂജയോട് അനുബന്ധിച്ച് അന്നേദിവസം രാവിലെ 10ന് പഴവീട് ചിന്മയമിഷന്‍ ആസ്ഥാനത്തും 11.30ന് തിരുമല ദേവസ്വത്തിന്റെ കീഴിലുള്ള വിദ്യാനികേതന്‍ സ്‌കൂളിലും മാതൃപൂജകള്‍ സംഘടിപ്പിക്കുന്നുണ്ട്. പങ്കെടുക്കാന്‍ താത്പ്പര്യമുള്ളവര്‍ ചിന്മയമിഷനുമായി ബന്ധപ്പെടുക. ഫോണ്‍: 9447773325, 9495746977.