എരുമേലി: ബ്ലേഡ്മാഫിയ സംഘങ്ങളെ പിടികൂടുന്നതിനുള്ള റെയ്ഡില് എരുമേലി ഗ്രാപഞ്ചായത്തില് ഒരാള് പിടിയില്. സംസ്ഥാനത്താകമാനം പോലീസ് റെയ്ഡുകള് നടത്തുന്നതിനിടെ എരുമേലിയില് ആരെയും പിടികൂടാന് കഴിഞ്ഞിരുന്നില്ല. ഇതിനിടെയാണ് ഇന്നലെ പോലീസ് നടത്തിയ റെയ്ഡില് ഒരാളെ പിടികൂടിയത്. എരുമേലി മണിപ്പുഴ സ്വദേശി പുതുപ്പറമ്പില് റജിയെയയാണ് പോലീസ് അറസ്റ്റ് ചെയ്തത്. രണ്ടരലക്ഷത്തിലധികം രൂപയും ചെക്കുകളും മുദ്രപ്പത്രങ്ങളും പോലീസ് പിടിച്ചെടുത്തു.
വന്കിട ബ്ലേഡ് മാഫിയകള് മുങ്ങുകയും ചെറുകിടക്കാരായ ബ്ലേഡുകാരെ മാത്രം പിടികൂടുകയും ചെയ്യുന്ന പോലീസ് നടപടിയെക്കുറിച്ച് ഇന്നലെ ‘ജന്മഭൂമി’ റിപ്പോര്ട്ട് ചെയ്തിരുന്നു. വാര്ത്തയെ തുടര്ന്ന് നാട്ടുകാര് നല്കിയ രഹസ്യ വിവരത്തെതുടര്ന്ന് നടത്തിയ റെയ്ഡിലാണ് ഒരാളെ അറസ്റ്റ് ചെയ്തത്. ബ്ലേഡ് മാഫിയയ്ക്കെതിരെയുള്ള റെയ്ഡ് എരുമേലി പഞ്ചായത്തിലുടനീളം പോലീസ് ശക്തമാക്കിയിരിക്കുകയാണെന്ന് എരുമേലി എസ്.ഐ ഇ.വി സുരേഷ് ‘ജന്മഭൂമി’യോട് പറഞ്ഞു.
കടം കൊടുക്കുന്ന പണത്തിന് പകരമായി ചെക്കുകളും വീടും സ്ഥലവും രജിസ്റ്റര് ചെയ്തും അഡ്വാന്സ് രജിസ്റ്റര് ചെയ്തുമാണ് ഈട് കൈക്കലാക്കുന്നത്. കൊടിത്തോട്ടം മേഖലയിലെ ഒരു കുടുബത്തിന്റെ ആധാരം ഇത്തരത്തില് പലിശ നല്കാത്തതിന്റെ പേരില് ബ്ലേഡ്മാഫിയ സംഘം തിരിച്ചുകൊടുക്കാതെ കൈവശം വച്ചിരിക്കുകയാണെന്ന് പരാതിയുണ്ട്.
പ്രതികരിക്കാൻ ഇവിടെ എഴുതുക: