കോട്ടയം: സംസ്ഥാന യുവജനക്ഷേമ ബോര്ഡിന്റെ 2012ലെ യൂത്ത് അവാര്ഡ് കോട്ടയം കളക്ട്രേറ്റ് കോണ്ഫറന്സ് ഹാളില് നടന്ന ചടങ്ങില് വിതരണം ചെയ്തു.
വ്യക്തിഗത മികവിനുള്ള പുരസ്കാരങ്ങള് മുഖ്യമന്ത്രിയും ക്ലബുകള്ക്കുള്ള പുരസ്കാരങ്ങള് മന്ത്രി തിരുവഞ്ചൂര് രാധാകൃഷ്ണനും സമ്മാനിച്ചു.
ഓട്ടന്തുള്ളല് കലാകാരന് സുരേഷ് കാളിയത്ത്(കല), ബാഡ്മിന്റന് താരം വി. ദിജു(കായികം), ഡിഗോള് തോമസ്(കൃഷി), വീണ ജോര്ജ്(ഇന്ത്യാവിഷന്-മാധ്യമപ്രവര്ത്തനം), വിനോദ് നമ്പ്യാര്(സാമൂഹ്യപ്രവര്ത്തനം), മുഹമ്മദ് ഗദ്ദാഫി(സംരംഭകത്വം), അര്ഷാദ് ബത്തേരി(സാഹിത്യം) എന്നിവര്ക്കാണ് വ്യക്തിഗത പുരസ്കാരങ്ങള് സമ്മാനിച്ചത്. സംസ്ഥാനത്തെ മികച്ച യുവജന ക്ലബ്ബിനുള്ള പുരസ്കാരം മലപ്പുറം ആലുങ്ങാപറമ്പ് ലക്കിസ്റ്റാര് ആര്ട്സ് ആന്റ് സ്പോര്ട്സ് ക്ലബിനു ലഭിച്ചു. ജില്ലകളിലെ മികച്ച ക്ലബുകള്ക്കുള്ള പുരസ്കാരങ്ങളും ചടങ്ങില് സമ്മാനിച്ചു.
ജോസ് കെ. മാണി എം.പി, ജില്ലാ പഞ്ചായത്ത് പ്രസിഡന്റ് നിര്മ്മല ജിമ്മി, വൈസ് പ്രസിഡന്റ് അഡ്വ. ഫില്സണ് മാത്യൂസ്, യുവജനക്ഷേമ ബോര്ഡ് അംഗങ്ങളായ അഡ്വ. ഷോണ് ജോര്ജ്, റിയാസ് മുക്കോളി, നൗഷാദ് മണ്ണിശ്ശേരി, എ. ഷിയാലി, യുവജനക്ഷേമ ബോര്ഡ് ജില്ലാ യൂത്ത് പ്രോഗ്രാം ഓഫീസര് ടി.എസ്. ലെജു, ജില്ലാ കോ-ഓര്ഡിനേറ്റര് ജോബോയ് ജോര്ജ് തുടങ്ങിയവര് പങ്കെടുത്തു.
യുവജനക്ഷേമ ബോര്ഡ് വൈസ്ചെയര്മാന് പി.എസ്. പ്രശാന്ത് സ്വാഗതവും മെമ്പര് സെക്രട്ടറി കെ. രാധാകൃഷ്ണന്നായര് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: