കലഹങ്ങളുപേക്ഷിക്കുന്നതോടെ മറ്റു മേന്മകളെല്ലാം വന്നുകൊള്ളും. ജീവരക്തം പ്രബലവും വിശുദ്ധവുമാകുമ്പോള് ശരീരത്തില് രോഗാണുക്കളൊന്നും കുടിയിരിക്കില്ല. നമ്മുടെ ജീവരക്തം ആദ്ധ്യാത്മികതയാണ്. അതുതെളിഞ്ഞൊഴുകിയാല്, ശുദ്ധമായി ബലവത്തും വീര്യവത്തുമായൊഴുകിയാല്, എല്ലാം ശരിയായി. രാഷ്ട്രീയവും സാമൂഹ്യവും ഭൗതികവുമായ വേറെ ദോഷങ്ങളും – നാട്ടിലെ ദാരിദ്ര്യംപോലും – പരിഹരിക്കപ്പെടും. രക്തശുദ്ധിയുണ്ടെങ്കില്, രോഗാണുക്കള് മാറ്റപ്പെട്ടാല്, രക്തത്തിലേക്ക് മറ്റൊന്നും കടന്നുകൂടില്ല. ഇന്നത്തെ വൈദ്യശാസ്ത്രത്തില് നിന്ന് ഒരുദാഹരണമെടുക്കാം. രോഗമുളവാക്കുന്ന കാരണങ്ങള് രണ്ടാണ്; വെളിയില് നിന്ന് വരുന്ന വല്ല വിഷാണുവും ശരീരത്തിന്റെ താല്ക്കാലികസ്ഥിതിയും, ശരീരത്തിന് രോഗാണുക്കളെ ഉള്ക്കൊള്ളത്തക്കനില വരുന്നതുവരെ, രോഗാണുക്കള് കടന്നുവന്ന് വളര്ന്ന് പലതാകുന്നതിന് പറ്റുവോളം, ശരീരത്തിന്റെ ഓജസ്സ് ക്ഷയിക്കുംവരെ, ലോകത്തിലെ ഒരണുവിനും രോഗമുണ്ടാക്കാന് കഴിയുകയില്ല.
– സ്വാമി വിവേകാനന്ദന്
പ്രതികരിക്കാൻ ഇവിടെ എഴുതുക: