മട്ടാഞ്ചേരി: കാര്‍ത്തിക മാസവ്രത ധന്യതയുമായി ഗോശ്രീപുരം തിരുമല ക്ഷേത്രത്തില്‍ നാമസങ്കീര്‍ത്തന പ്രദക്ഷിണസേവ നടന്നു. കുട്ടികളും സ്ത്രീകളും വയോവൃദ്ധരുമടങ്ങുന്ന നൂറുകണക്കിന്‌ ഭക്തജനങ്ങളാണ്‌ നാമസങ്കീര്‍ത്തനവുമായി ക്ഷേത്രത്തില്‍ 28 പ്രദക്ഷിണം നടത്തിയത്‌. ശ്രീ വെങ്കടേശ സേവാസമിതിയുടെ നേതൃത്വത്തില്‍ നടന്ന നാമസങ്കീര്‍ത്തനപ്രദക്ഷിണം തിരുമലദേവസ്വം പ്രസിഡന്റ്‌ കപില്‍ ആര്‍.പൈ ഉദ്ഘാടനം ചെയ്തു. ഭരണസമിതി അംഗം എസ്‌.ദേവാനന്ദകമ്മത്ത്‌, സേവാസമിതി പ്രസിഡന്റ്‌ വിജയകുമാര്‍ കമ്മത്ത്‌, വൈസ്‌ പ്രസിഡന്റ്‌ നവീന്‍ ആര്‍.പൈ, സെക്രട്ടറി ദിനേശ്‌ വി. നായ്‌ക്ക്‌, ട്രഷറര്‍ രാജേഷ്‌ എസ്‌.കമ്മത്ത്‌ എന്നിവര്‍ സംസാരിച്ചു.
കൊച്ചിയിലെ വിവിധ ഭജനമണ്ഡലികള്‍ കൂടാതെ, കൊല്ലം, ആലപ്പുഴ, ചേര്‍ത്തല, പള്ളുരുത്തി, മാള, തൃപ്പൂണിത്തുറ, മംഗലാപുരം, വരാപ്പുഴ എന്നിവിടങ്ങളില്‍നിന്നുള്ള ഭജനമണ്ഡലി അംഗങ്ങളും നാമസങ്കീര്‍ത്തന പ്രദക്ഷിണത്തില്‍ പങ്കെടുത്തു. വി.ഉമേശ്‌ കമ്മത്ത്‌, കുല്‍ദീപ്‌, വി.എസ്‌.നായ്‌ക്ക്‌, ഗോവിന്ദപ്പൈ, ലതാ കമ്മത്ത്‌, നവീന്‍, പാണ്ഡുരംഗ്‌ തുടങ്ങിയവര്‍ നേതൃത്വം നല്‍കി. പ്രദക്ഷിണത്തോടൊപ്പം ശയനപ്രദക്ഷിണവും നടന്നു.
പ്രതികരിക്കാൻ ഇവിടെ എഴുതുക: