കൊച്ചി: അര്ബുദ രോഗികള്ക്ക് കൈത്താങ്ങായി വിണ്ണിലെ താരങ്ങളെത്തി. താരപ്പകിട്ടില്ലാതെ, ആഘോഷങ്ങളില്ലാതെ തികച്ചും ലളിതമായ ചടങ്ങില് അവര് ഒരായിരം സന്തോഷങ്ങള് പങ്കുവെച്ചു. സംവിധായകന് ആഷിക് അബുവും നടി റിമ കല്ലിങ്കലുമാണ് എറണാകുളം ജനറല് ആശുപത്രിയിലെത്തിയത്. വിവാഹ സല്ക്കാരങ്ങളും ആഘോഷങ്ങളും ഒഴിവാക്കി നിര്ധനരായ രോഗികള്ക്ക് ചികിത്സക്കുള്ള പണം നല്കുമെന്ന് നേരത്തെ ഇരുവരും അറിയിച്ചിരുന്നു. ഇന്ന് വിവാഹിതരാകുന്ന ഇരുവരും അവരുടെ സമ്പാദ്യത്തിന്റെ ഒരു ഭാഗം ആശുപത്രി അധികൃതര്ക്ക് കൈമാറുകയും ചെയ്തു.
നാളെ ഞങ്ങള് കല്ല്യാണം കഴിക്കാന് പോകുകയാണെന്ന? ആഷിക് അബുവിന്റെ പ്രഖ്യാപനം നിറഞ്ഞ കൈയ്യടിയോടെയാണ് സദസ്സ് സ്വീകരിച്ചത്. അര്ബുദ രോഗികളുടെ ചികിത്സാ ചിലവിനായി 10 ലക്ഷം രൂപ ഇരുവരും ചേര്ന്ന് ആശുപത്രി സൂപ്രണ്ട് ഡോ. പി.ജി ആനിക്കു കൈമാറി. കൂടാതെ രോഗികള്ക്ക് ഒരു ദിവസത്തെ ഭക്ഷണത്തിന്റെ ചിലവിനുള്ള തുകയും ഡയറ്ററി കിച്ചണിനു നല്കി. സത്യജിത്ത് റേയുടെ ഭാര്യ എഴുതിയ ?മൈ ലൈഫ് വിത്ത് സത്യജിത്ത് റേ? എന്ന പുസ്തകം രാജീവ് എം.പി വിവാഹസമ്മാനമായി നല്കി. ആശുപത്രി ഭാരവാഹികളുടെ ഉപഹാരം ഡോ.ആനിയും സമര്പ്പിച്ചു. കോണ്ഫറന്സ് ഹാളില് നടന്ന ചടങ്ങില് ഹൈബി ഈഡന് എംഎല്എയും പങ്കെടുത്തു. രണ്ട് വര്ഷത്തെ പ്രണയത്തിനൊടുവിലാണ് ഇരുവരും വിവാഹിതരാകുന്നത്.
പ്രതികരിക്കാൻ ഇവിടെ എഴുതുക: