പെരുമ്പാവൂര്‍: ഭാരതീയ വിദ്യാനികേതന്‍ കോതമംഗലം സങ്കുലിന്റെ കീഴിലുള്ള ശിശുവാടിക വിഭാഗത്തിന്റെ ശിശുസംഗമം നടന്നു. പ്രളയക്കാട്‌ ശ്രീശങ്കരാ വിദ്യാനികേതന്‍ സ്കൂളിലായിരുന്നു സംഗമം നടന്നത്‌. വിവിധ സ്കൂളുകളില്‍ നിന്നായി നിരവധി വിദ്യാര്‍ത്ഥികളും, അദ്ധ്യാപകരും, രക്ഷകര്‍താക്കളും പങ്കെടുത്തു.
രാവിലെ മുടക്കുഴ കവലയില്‍ നിന്നും വാദ്യമേളങ്ങളുടെ അകമ്പടിയോടെയും, പ്രശ്ചന്നവേഷങ്ങളുടെയും അകമ്പടിയോടെ ഘോഷയാത്രയായാണ്‌ വിദ്യാര്‍ത്ഥികള്‍ സംഗമ സ്ഥലത്തെത്തിയത്‌.
തുടര്‍ന്ന്‌ നടന്ന ധ്വജാരോഹണവും, സമ്മേളന ഉദ്ഘാടനവും ഭാരതീയ വിദ്യാനികേതന്‍ ജില്ലാ പ്രസിഡന്റ്‌ ടി.പി.എ.കര്‍ത്താ നിര്‍വ്വഹിച്ചു. സ്കൂള് പ്രസിഡന്റ്‌ കെ.കെ.സുബ്രഹ്മണ്യന്‍ അദ്ധ്യക്ഷത വഹിച്ച ചടങ്ങില്‍ സങ്കുല്‍ ശിശുവാടികാ പ്രമുഖ്‌ പി.പ്രിയ, സംയോജക്‌ എ.കെ.സുമേഷ്‌, പ്രധാന അദ്ധ്യാപകന്‍ എം.ആര്‍.ഗോപി തുടങ്ങിയവര്‍ സംബന്ധിച്ച്‌. തുടര്‍ന്ന്‌ വ്യായാം യോഗ്‌, വിവിധ കലാപരിപാടികള്‍ എന്നിവയും നടന്നു.
പ്രതികരിക്കാൻ ഇവിടെ എഴുതുക: