പള്ളുരുത്തി: പള്ളുരുത്തി നാല്‍പ്പതടി റോഡിന്‌ സമീപം കെട്ടിടനിര്‍മ്മാണ ചട്ടങ്ങള്‍ പാലിക്കാതെ മുസ്ലിം പള്ളിയുടെ നിര്‍മ്മാണം നടക്കുന്നതായി നാട്ടുകാര്‍ പരാതിപ്പെട്ടു. നമ്പ്യാപുരം കളത്ര റോഡിന്‌ വടക്ക്‌ ഭാഗത്തായാണ്‌ നിര്‍മ്മാണ പ്രവര്‍ത്തനങ്ങള്‍ പുരോഗമിക്കുന്നത്‌.
മുജാഹിദ്‌ വിഭാഗത്തിന്റെ പഴയ പള്ളി പുനര്‍നിര്‍മ്മാണം പുരോഗമിക്കവെ സമീപത്തെ നാല്‍പ്പതടി റോഡിനോട്‌ ചേര്‍ന്ന പള്ളിയുടെ മതിലില്‍തന്നെ കെട്ടിടവും പണിതുയര്‍ത്തുകയാണ്‌. സമീപവാസികള്‍ പരാതിയുമായി നഗരസഭാ പള്ളുരുത്തി സോണല്‍ ഓഫീസിലും കൗണ്‍സിലറേയും സമീപിച്ചുവെങ്കിലും തുടര്‍ നടപടികള്‍ ഉണ്ടായില്ലെന്ന്‌ ഇവര്‍ ആരോപിക്കുന്നു.
ഇനിയും ഏറെ വികസനത്തിന്‌ വക നല്‍കുന്ന നാല്‍പ്പതടി റോഡിന്‌ സമീപം നടക്കുന്ന നിര്‍മ്മാണ പ്രവര്‍ത്തനങ്ങള്‍ അടിയന്തരമായി നിര്‍ത്തിവെക്കണമെന്ന്‌ നാട്ടുകാര്‍ ആവശ്യപ്പെടുന്നു. പരാതി നല്‍കാന്‍ കോര്‍പ്പറേഷന്റെ സോണല്‍ ഓഫീസില്‍ ചെന്നെങ്കിലും സ്വീകരിക്കാതെ പരാതിക്കാരെ മടക്കി അയച്ചുവെന്നും പറയുന്നു.
പ്രതികരിക്കാൻ ഇവിടെ എഴുതുക: