സത്യം പറഞ്ഞാല് നാമെല്ലാം ഒരു മാനസികരോഗത്തിന് വിധേയരാണ്. നിയന്ത്രണങ്ങളും നിരോധനങ്ങളുമാകുന്ന പല നടപടികളും എടുക്കുക നിമിത്തം ഒരു സാധാരണ മനുഷ്യന് തന്റെ വ്യക്തിത്വത്തിന്റെ ഏതൊരു വിഭാഗത്തെയും അങ്ങനെ കെട്ടഴിച്ചുവിടാനൊരുങ്ങുന്നില്ല; എന്നിരുന്നാലും മനുഷ്യനിലുള്ള അനേകം പ്രവണതകള് അവനെ ഇട്ട് ഞെരുക്കുന്നു; തല്ഫലമായി തമ്മില്ത്തച്ചു പിരിഞ്ഞ ഭാഗ്യംകെട്ട ഒരു ‘തറവാട്’ പോലെയായിത്തീരുന്നു അവന് പലപ്പോഴും, യോജിച്ചു നടക്കാത്ത രണ്ട് കാളകളെ കെട്ടിയ ഒരു വണ്ടിയുടെ നിലയൊന്നോര്ത്തു നോക്കൂ! അഥവാ ഒരടി മുമ്പോട്ടും പിന്നെ ഒരടി പിമ്പോട്ടും, ഒരടി വലത്തോട്ടും തുടര്ന്ന് ഒരടി ഇടത്തോട്ടും പിന്നെയും ഒരടി ഇടത്തോട്ടും ഉടനെ തന്നെ ഒരടി വലത്തോടും നടക്കുന്ന ഒരുവന്റെ പുരോഗതിയെപ്പറ്റി നിങ്ങള്ക്കെന്തുതോന്നുന്നു? അങ്ങനെ പരസ്പരം റദ്ദുചെയ്യപ്പെടുന്ന ശ്രമങ്ങള് എത്രതന്നെ ആവര്ത്തിക്കിലും അവന് എങ്ങും എത്താന് പോകുന്നില്ല.
– സ്വാമി ചിന്മയാനന്ദന്
പ്രതികരിക്കാൻ ഇവിടെ എഴുതുക: