അന്ധമായി ഒന്നിനെ വിശ്വസിക്കുന്നതും എല്ലാറ്റിനേയും സംശയത്തടെ നോക്കുന്നതും ശരിയായ വഴികളല്ല. അന്ധമായ വിശ്വാസം നമ്മുടെ ദൗര്ബല്യം മാത്രമാണ്. മദ്യപന്മാര് മദ്യത്തില് വിശ്വസിക്കുന്നു. അവര്ക്ക് എന്ത് പ്രശ്നം വന്നാലും മദ്യത്തില് ശാന്തിതേടുന്നു. അതുപോലെ ചിലര് മന്ത്രവാദികളിലും, ആചാര്യന്മാരിലും, വിഗ്രഹങ്ങളിലും, വിശുദ്ധഗ്രന്ഥങ്ങളിലും, രാഷ്ട്രീയ പാര്ട്ടികളിലും മറ്റും വിശ്വസിക്കുന്നു. കുറച്ചു കാലം മുമ്പ് നടന്ന ഒരു സംഭവം പറയാം. ഒരു ഭാര്യയും ഭര്ത്താവും തഥാഥനെ വന്നുകണ്ടു. അവര് വളരെ അവശരും ഭയവിഹ്വലരും ആയിരുന്നു. വിവരങ്ങളൊക്കെ തിരക്കിയപ്പോള് മനസ്സിലായത് ഇപ്രകാരമാണ്. ഇവര് രണ്ടുപേരും ഒരു ആചാര്യനില് വിശ്വസിച്ചിരുന്നു. വിശ്വാസം എന്ന് പറഞ്ഞാല് സാധാരണ വിശ്വാസമല്ല. എന്തും മറന്നുകൊണ്ടുള്ള ഒരു വിശ്വാസം. ഈ ആചാര്യന് ഇവരുടെ വിശ്വാസം നേടിയെടുക്കാന് പല ഉപായങ്ങളും പ്രയോഗിച്ചിട്ടുണ്ട്. പലപ്പോഴും “ഇതാ ഒരു ചെകുത്താന് നിങ്ങളെ പിടികൂടാന് വരുന്നു. ഞാന് എന്റെ യോഗശക്തികൊണ്ട് ഇതിനെ ഓടിച്ചിരിക്കുന്നുന്നു, എന്നും മറ്റും ഈ ചാര്യന് അവരോട് പറയുമായിരുന്നു. ഇതൊക്കെ ഇവര് പൂര്ണമായി വിശ്വസിക്കുകയും ചെയ്തു.
– തഥാതന്
പ്രതികരിക്കാൻ ഇവിടെ എഴുതുക: