മുംബൈ: ആഫ്രിക്കയില്‍ മലയാളികളടക്കം 24 ഇന്ത്യക്കാര്‍ സഞ്ചരിച്ച കപ്പല്‍ സൊമാലിയന്‍ കടല്‍ക്കൊള്ളക്കാര്‍ റാഞ്ചി. എംവി കോട്ടണ്‍ എന്ന തുര്‍ക്കിഷ് കപ്പലാണ് റാഞ്ചിയത്.
കപ്പല്‍ ഗള്‍ഫ് ഓഫ് ഗയാനയില്‍ നങ്കൂരമിടാന്‍ തയ്യാറെടുക്കുന്നതിനിടയിലാണ് കടല്‍ക്കൊള്ളക്കാര്‍ റാഞ്ചിയത്. പടിഞ്ഞാറന്‍ ആഫ്രിക്കന്‍ തീരത്തുവച്ചാണ് സംഭവം. കാസര്‍ഗോഡ് സ്വദേശികളായ ബാബു, വസന്ത്കുമാര്‍ എന്നിവരാണ് കപ്പലില്‍ ഉള്ള മലയാളികള്‍.
ഞായറാഴ്ചയാണ് സംഭവമുണ്ടായതെന്ന് അന്താരാഷ്‌ട്ര മാധ്യമങ്ങള്‍ റിപ്പോര്‍ട്ട് ചെയ്തു. കപ്പില്‍ വിട്ടുനല്‍കാന്‍ കടല്‍ക്കൊള്ളക്കാര്‍ മോചനദ്രവ്യം ആവശ്യപ്പെട്ടിട്ടുണ്ടോ എന്ന കാര്യം കപ്പല്‍ കമ്പനി ഇതുവരെ വ്യക്തമാക്കിയിട്ടില്ല.
കപ്പല്‍ ജീവനക്കാരെ രക്ഷിക്കാന്‍ വേണ്ട എല്ലാ നടപടികളും സ്വീകരിക്കുമെന്ന് കപ്പല്‍ കമ്പനി പ്രസ്താവനയില്‍ അറിയിച്ചു. കടല്‍ക്കൊള്ളക്കാര്‍ കപ്പല്‍ റാഞ്ചിയ വിവരം കമ്പനി തുര്‍ക്കി സര്‍ക്കാരിനേയും നാവിക സേനയും അറിയിച്ചിട്ടുണ്ട്.
കേന്ദ്ര ഷിപ്പിംഗ് ഡയറക്ടര്‍ ജനറല്‍ സംഭവം സ്ഥിരീകരിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: