ഒരു മിഥ്യയില് നിന്നും വേറൊരുമിഥ്യയിലേക്ക് പുരോഗമിക്കുവാനെളുപ്പമാണ്. കാരണം, അടിസ്ഥാനപരമായ പരിവര്ത്തനമൊന്നും തന്നെ ആവശ്യമില്ല. അടിത്തറയിളകുന്നേയില്ല. നിങ്ങള് മാറ്റമില്ലാതെ തുടരുന്നു. അതിനാല്, യഥാര്ത്ഥ പ്രശ്നം ഇഹലോകത്തുള്ള വസ്തുക്കളെ മാറ്റി പരലോകത്തുള്ളവയെ ആഗ്രഹിക്കലല്ല. സ്വയം പരിവര്ത്തനപ്പെടലാണ്. അന്വേഷണത്തെ മാറ്റലല്ല, അന്വേഷകനെ മാറ്റലാണ്. അല്ലെങ്കില്, പ്രശ്നം അതേപടി നിലനില്ക്കുന്നു. അത് പുതിയ രൂപം കൈക്കൊള്ളുന്നുവെന്നുമാത്രം.
എന്നാല്, അന്വേഷകനെ മാറ്റേണ്ടതെങ്ങനെയാണ്? ആദ്യം കണ്ടെത്തേണ്ടത് അന്വേഷകന് എവിടെയാണെന്നും എന്താണെന്നുമാണ്. അപ്പോള് ഗുപ്തമായ ഒരു രഹസ്യം നിങ്ങള്ക്കറിയാറാകും. അന്വേഷിക്കാതിരിക്കുമ്പോള് മാത്രമാണ് അന്വേഷി ഉണ്ടായിരിക്കുന്നത്. ഒരുവന് അന്വേഷിച്ച് പുറത്തുപോകുമ്പോള് അതൊരിക്കലും കണ്ടെത്തുന്നില്ല. അജ്ഞതയിലും അന്ധകാരത്തിലും മാത്രമാണ് അത് നിലനില്ക്കുന്നത്; ബോധത്തില് അന്വേഷിയില്ല. ഈ അനാത്മബോധമാണ് കുതിപ്പാവുന്നത്; അജ്ഞതയിലേക്കുള്ള എടുത്തുചാട്ടം, സത്യത്തിലേക്കുള്ള എടുത്തുചാട്ടം.
– ഓഷോ
പ്രതികരിക്കാൻ ഇവിടെ എഴുതുക: