കോട്ടയം: പൊലിസിന്റെ നൈറ്റ് പട്രോളിംങ്ങിനിടെ രണ്ട്്് ബൈക്ക് മോഷ്ടാക്കള് പിടിലായി.ചേര്ത്തല ഒറവക്കത്ത് വെളിയില്സുമേഷ് (29), കാഞ്ഞിരപ്പള്ളി പൂതക്കുഴിപ്പറമ്പില് ബാബു (30) എന്നിവരാണ് പിടിയിലായത്. മണ്സൂണിന്റെ ഭാഗമായി വെസ്റ്റ്് പൊലീസിന്റെ വാഹനപരിശോധനക്കിടെയാണ് ഇവര് പിടിയിലായത്. തിങ്കളാഴ്ച രാത്രിയില് ഇവര് സഞ്ചരിച്ച ബൈക്ക് പൊലീസ് പിടിയിലായതിനെ തുടര്ന്ന് നടത്തിയ ചോദ്യംചെയ്യലില് എറണാകുളം നോര്ത്ത് സ്റ്റേഷന് പരിധിയില്നിന്ന് സംഘം ചേര്ന്ന് മോഷ്ടിച്ച ബൈക്കാണിതെന്ന് തിരിച്ചറിഞ്ഞു. ആലപ്പുഴ, എറണാകുളം ജില്ലകളില്നിന്ന് നിരവധി ബൈക്ക് മോഷ്ടിച്ച സംഭവത്തില് പ്രതികളായ ഇവര് ജയില്ശിക്ഷ അനുഭവിച്ചിട്ടുണ്ടെന്ന് പൊലീസ് പറഞ്ഞു. സുമേഷ് ബാറ്ററിമോഷണകേസിലും പ്രതിയാണ്. നിരവധി അടിപിടികേസുകളില്പ്രതിയായബാബു മോഷണകേസുകളില് പങ്കാളിയാണ്. വെസ്റ്റ് സി.ഐ എ.ജെ.തോമസ്, എസ്.ഐ അനൂപ് ജോസ് എന്നിവരുടെ നേതൃത്വത്തില് അറസ്റ്റ് ചെയ്ത പ്രതികളെ കോടതിയില് ഹാജരാക്കി റിമാന്ഡ് ചെയ്തു.
പ്രതികരിക്കാൻ ഇവിടെ എഴുതുക: