ലണ്ടന്‍: വില്യം രാജകുമാരന്‍ ഇന്ത്യന്‍ വംശജനാണെന്ന് ഡിഎന്‍എ വഴി കണ്ടെത്തി. കാംബ്രിഡ്ജിലെ ബന്ധുക്കളുടെ ഉമുനീരിരിലെ സാമ്പിളുകള്‍ ഡിഎന്‍എയ്‌ക്ക് വിധേയമാക്കിയപ്പോഴായിരുന്നു മുപ്പത് വയസ്സുകാരനായ രാജകുമാരന്റെ ഇന്ത്യ ബന്ധം കണ്ടെത്തിയത്.
പരിശോധനയില്‍ യൂറോപ്പ്യന്‍ ഡിഎന്‍എ അല്ല അദ്ദേഹത്തിലുള്ളതെന്നും ജനിതകബന്ധം വഴി ഇന്ത്യയുമായിട്ടാണ് ബന്ധമെന്നും കണ്ടെത്തുകയായിരുന്നു. അടുത്ത മാസം തന്റെ കുഞ്ഞ് ജനിച്ചയുടനെ തന്നെ ഇന്ത്യയിലേക്ക് പോകാനുള്ള ഉത്സാഹത്തിലാണ് വില്യം.
വില്യമിന്റെ മുതുമുത്തശ്ശിയില്‍ നിന്നാണ് ഈ ജനിതക ബന്ധം വില്യമിലേക്ക് കടന്നിരിക്കുന്നതെന്നാണ് ഗവേഷകരുടെ കണ്ടെത്തല്‍. 1788-1820 കാലഘട്ടങ്ങളില്‍ ജീവിച്ചിരുന്ന സ്ക്കോട്ടിഷ് വ്യാപാരിയായിരുന്ന വില്യമിന്റെ മുതുമുത്തശ്ശന്‍ തിയോഡര്‍ ഫോര്‍ബ്‌സ് ഗുജറാത്തിലെ തുറമുഖ നഗരമായ സൂറത്തിലെ ഈസ്റ്റ് ഇന്ത്യ കമ്പനിയിലായിരുന്നു
ജോലി ചെയ്തിരുന്നത്.
ഇവിടെ ഫോര്‍ബ്‌സതിന്റെ വീട്ടു ജോലി ചെയ്തിരുന്നത് ഇന്ത്യാക്കാരിയായ എലീസാ കെവാര്‍ക്ക് ആണ്. ഫോര്‍ബസ് തന്നെയാണ് എലിസയില്‍ ജനിച്ച കാതറിന്‍ എന്ന മകളെ ബ്രിട്ടനിലേയ്‌ക്ക് അയച്ചതും.
എലീസയുടെ മൈറ്റോകോണ്ട്രിയല്‍ ഡിഎന്‍എ മകളിലേക്കും പെണ്‍കുട്ടികളായ ചെറുമക്കളിലേക്ക് പകര്‍ന്നെത്തിയിട്ടുണ്ടാകാം അവിടെ നിന്ന് ഡയാന രാജകുമാരിയിലുമെത്തി.
ഡയാനയില്‍ നിന്ന് മക്കളായ വില്ല്യമിലേക്കും ഹാരിയിലേക്കും ഈ ഡിഎന്‍എ എത്തിച്ചേര്‍ന്നു എന്നാണ് കണ്ടെത്തിയിരിക്കുന്നത്. എന്നാല്‍ എലീസ താന്‍ അര്‍മേനിയക്കാരിയാണെന്നാണ് അവകാശപ്പെടുന്നത്.
അര്‍മേനിയന്‍ സ്വഭാവമുള്ള അവരുടെ സര്‍നൈം കെവാര്‍ക്കും അവര്‍ ഫോര്‍ബ്‌സിന് അയച്ച അര്‍മേനിയന്‍ ലിപിയിലുള്ള കത്തുകളും ഇതിന് സാധ്യത കല്‍പ്പിക്കുന്നുണ്ട്.
ഇതനുസരിച്ച് എലീസയുടെ അച്ഛന്‍ അര്‍മേനിയന്‍ക്കാരനായിരിക്കാമെന്നാണ് കരുതുന്നത്. എന്തായാലും തെളിവുകളനുസരിച്ച് ജനിതക ബന്ധം വഴി വില്യമിന്റെ ബന്ധം ഇന്ത്യയില്‍ നിന്നുമാണെന്നാണെന്നാണ് ബ്രിട്ടണ്‍ ഡിഎന്‍എ എന്ന ഡിഎന്‍എ നിരീഷക കമ്പനി പറയുന്നത്.
എന്നാല്‍ വില്യം രാജകുമാരനിലും ഹാരിയിലുമുള്ള മൈറ്റോകോണ്ട്രിയല്‍ ഡിഎന്‍എ അവരുടെ മക്കളിലേക്ക് എത്തിച്ചേരില്ല. അമ്മ വഴി മാത്രമെ മൈറ്റോകോണ്ട്രിയല്‍ ഡിഎന്‍എ മക്കളിലേക്ക് എത്തിച്ചേരൂ എന്ന പ്രത്യേകതയാണ് ഇതിന് കാരണം.
പ്രതികരിക്കാൻ ഇവിടെ എഴുതുക: