വെള്ളറട: പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോയി പീഡിപ്പിച്ച കേസില്‍ മൂന്നുപേരെ വെള്ളറട പോലീസ് അറസ്റ്റുചെയ്തു. ധനുവച്ചപുരത്തിനു സമീപം കൊറ്റാമം സ്വദേശികളായ അജീഷ്(26), ജയകുമാര്‍(28) പരശുവയ്‌ക്കല്‍ സ്വദേശി ബിനു(35) എന്നിവരാണ് അറസ്റ്റിലായത്.
കഴിഞ്ഞ നവംബര്‍ 26 ന് നെയ്യാറ്റിന്‍കര സര്‍ക്കാര്‍ ആശുപത്രിക്കുസമീപത്തുനിന്ന് ആനാവൂര്‍ സ്വദേശിനിയായ പെണ്‍കുട്ടിയെ തട്ടിക്കൊണ്ടുപോയി പീഡിപ്പിച്ചുവെന്ന രക്ഷിതാവിന്റെ പരാതിയെത്തുടര്‍ന്നുള്ള അന്വേഷണത്തിലാണ് യുവാക്കള്‍ പിടിയിലായത്. പെണ്‍കുട്ടിയുടെ മൊഴിയുടെ അടിസ്ഥാനത്തില്‍ കേസെടുത്ത് പ്രതികളെ കോടതിയില്‍ ഹാജരാക്കി.
പ്രതികരിക്കാൻ ഇവിടെ എഴുതുക: