ന്യൂയോര്‍ക്ക്‌: ബോസ്റ്റണ്‍ മാരത്തണിനിടെ നിരവധിപേരുടെ ജീവനെടുത്ത സ്ഫോടനത്തിനുശേഷം ചെച്നിയന്‍ ഭീകരന്‍ സോഖര്‍ സര്‍നേവ്‌ കൂട്ടുകാര്‍ക്ക്‌ ഉശിരന്‍ പാര്‍ട്ടി നല്‍കിയെന്നു റിപ്പോര്ട്ട്. ബോസ്റ്റണില്‍ ദുരന്തം വിതച്ച ഭീകരരുടെ ഫോട്ടോകള്‍ അന്വേഷണ ഉദ്യോഗസ്ഥര്‍ തിരക്കിട്ട്‌ പരിശോധിക്കുമ്പോള്‍ പാര്‍ട്ടിയില്‍ നൃത്തംവച്ചും റാപ്പ്‌ സംഗീതത്തിലെ വരികള്‍ ട്വീറ്റ്‌ ചെയ്തുമൊക്കെ സോഖര്‍ പതിവുപോലെ കോളേജ്‌ കുമാരന്റെ വേഷം ഗംഭീരമാക്കി.
അയാള്‍ക്കെല്ലാം സാധാരണപോലെയായിരുന്നു. ജിമ്മില്‍ പോയി. സ്വന്തം വിശ്രമമുറിയില്‍ ശാന്തമായി ഉറങ്ങി, ഡാര്‍ട്ട്മൗത്തിലെ യൂണിവേഴ്സിറ്റി ഒഫ്‌ മസാച്യുസെറ്റ്സ്‌ അധികൃതര്‍ ഓര്‍ക്കുന്നു. ബുധനാഴ്‌ച്ച സോഖര്‍ നല്‍കിയ പാര്‍ട്ടിയില്‍ പങ്കെടുത്തവരെല്ലാം ഫുട്ബോള്‍ കളിക്കിടെ അയാള്‍ക്കു ലഭിച്ച സുഹൃത്തുകളായിരുന്നു. ആഘോഷത്തിനു പുറപ്പെടുംമുന്‍പ്‌ സോഖര്‍ ഉല്ലാസവാനായിരുന്നെന്ന്‌ സഹപാഠികളില്‍ ഒരാള്‍ പറഞ്ഞു. ഞാന്‍ സമ്മര്‍ദ രഹിതനായവന്‍ എന്ന്‌ സോഖര്‍ ട്വീറ്റ്‌ ചെയ്യുകയുമുണ്ടായി.
ബോസ്റ്റണ്‍ ആക്രമണത്തിനു പിന്നില്‍ പ്രവര്‍ത്തിച്ചവരെന്ന്‌ സംശയിക്കപ്പെടുന്നവരുടെ ചിത്രങ്ങള്‍ ചാനല്‍ വാര്‍ത്തകളില്‍ കാണിക്കുന്നുണ്ടായിരുന്നു. അവരില്‍ ഒരാള്‍ക്ക്‌ സോഖറിനെപ്പോലെയാണെന്ന്‌ ഞങ്ങള്‍ തമാശ രൂപേണ പറയുകയും ചെയ്തു, മറ്റൊരാള്‍ വെളിപ്പെടുത്തി. പോലീസ്‌ പുറത്തുവിട്ട ചിത്രങ്ങളിലുള്ളത്‌ സോഖറാണെന്നു വ്യക്തമായതിനെ തുടര്‍ന്ന്‌ യൂണിവേഴ്സിറ്റി ഒഫ്‌ മസാച്യുസെറ്റ്സ്‌ വെള്ളിയാഴ്‌ച്ച അടച്ചിട്ടിരുന്നു.
ബോസ്റ്റണില്‍ സ്ഫോടനം നടത്തിയെന്നു കരുതപ്പെടുന്ന സോഖറിനെ മണിക്കൂറുകള്‍ നീണ്ട തെരച്ചിലിനൊടുവില്‍ വാട്ടര്‍ ടൗണിലെ ഒരു വീടിനു പിന്നിലെ ബോട്ടിനുള്ളില്‍ നിന്നു ശനിയാഴ്‌ച്ചയാണ്‌ യുഎസ്‌ പോലീസ്‌ പിടികൂടിയത്. സോഖറിന്റെ മൂത്ത സഹോദരന്‍ തമര്‍ലാന്‍ സര്‍നേവ്‌ വെള്ളിയാഴ്‌ച്ച പോലീസുമായുള്ള ഏറ്റുമുട്ടലില്‍ കൊല്ലപ്പെട്ടിരുന്നു. സോഖറിനെ എഫ്ബിഐ ഉടന്‍ ചോദ്യം ചെയ്യാന്‍ ആരംഭിക്കുമെന്നാണ്‌ റിപ്പോര്ട്ട്.
പ്രതികരിക്കാൻ ഇവിടെ എഴുതുക: