കോട്ടയം: മാതംഗീസ് സ്കൂള് ഓഫ് മ്യൂസിക്കിന്റെ ആഭിമുഖ്യത്തില് ശ്രീരാമനവമിയും ദശവത്സരാഘോഷവും 20, 21 തീയതികളില് പരിപ്പ് കൈതാരം ബില്ഡിംഗില് നടക്കുമെന്ന് ഭാരവാഹികള് പത്രസമ്മേളനത്തില് അറിയിച്ചു. 20ന് രാവിലം 10.30ന് ഡോ.ശേഷാദ്രിനാഥ ശാസ്ത്രികള് ഭദ്രദീപം തെളിയിക്കും. 11ന് സംഗീതാര്ച്ചന, വൈകിട്ട് 4ന് പഞ്ചവയലിന്കച്ചേരി, 6.30ന് പത്മഭൂഷണ് ഡോ.പത്മാസുബ്രഹ്മണ്യം അവതരിപ്പിക്കുന്ന ഭരതനാട്യം, 21ന് രാവിലെ 9ന് പഞ്ചരത്നകീര്ത്തനാലാപം, 10.30ന് സാംസ്കാരിക സമ്മേളനം മന്ത്രി തിരുവഞ്ചൂര് രാധാകൃഷ്ണന് ഉദ്ഘാടനം ചെയ്യും. അഡ്വ.കെ.സുരേഷ് കുറുപ്പ് എംഎല്എ അദ്ധ്യക്ഷത വഹിക്കും. ഗുരുക്കന്മാരെ മന്ത്രി കെ.സി.ജോസഫ് ആദരിക്കും. പ്രശസ്ത ഘടം വായനക്കാരന് മാഞ്ഞൂര് ഉണ്ണികൃഷ്ണന് നാദലയജ്യോതി പുരസ്കാരം നല്കും. ഭരതനാട്യം കലാകാരി ഡോ.ദ്രൗപതി പ്രവീണ്, ഗഞ്ചിറ കലാകാരന് ഉഡുപ്പി ശ്രീകാന്ത്, ശാസ്ത്രീയ സംഗീതജ്ഞ എന്.ജെ.നന്ദിനി തിരുവനന്തപുരം എന്നിവരെ ആദരിക്കും. വൈകിട്ട് 4ന് മാര്ഗ്ഗി സതി അവതരിപ്പിക്കുന്ന നങ്ങ്യാര്കൂത്ത്, 6ന് സംഗീതകച്ചേരി എന്നിവയാണ് പ്രധാന പരിപാടികള്. പത്രസമ്മേളനത്തില് സ്വാഗതസംഘം ജനറല് സെക്രട്ടറി കെ.എസ്.സത്യമൂര്ത്തി, കണ്വീനര് കെ.ഹരിദാസ്, ജോയിന്റ് സെക്രട്ടറി എസ്.ശശിഭൂഷണര്, സ്മരണിക ചീഫ് എഡിറ്റര് ഗോപി കൊടുങ്ങല്ലൂര് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: