കൊച്ചി: റെയില്‍വ നിരക്ക്‌ വര്‍ധനവിനെതിരെ ബിജെപി എറണാകുളം മേഖലാ കമ്മറ്റി സംഘടിപ്പിച്ച റെയില്‍വെസ്റ്റേഷന്‍ മാര്‍ച്ച്‌ ജില്ലാ പ്രസിഡന്റ്‌ പി.ജെ. തോമസ്‌ ഉദ്ഘാടനം ചെയ്തു. ജില്ലാ ജനറല്‍ സെക്രട്ടറി എം.എന്‍. മധു, കെ.എസ്‌. സുരേഷ്കുമാര്‍, വി.ആര്‍. വിജയകുമാര്‍, പി.എസ്‌. സുമേഷ്‌, ബാബുരാജ്‌ തച്ചേത്ത്‌, സി.ജി.രാജഗോപാല്‍, പി.ജി.അനില്‍കുമാര്‍, യു.ആര്‍. രാജേഷ്‌, വി.എസ്‌. സത്യന്‍, ഉണ്ണി വല്ലയില്‍, സന്ധ്യ ജയപ്രകാശ്‌, ജലജ ആചാര്യ, ശ്രീവല്‍സന്‍, വെണ്ണല സജീവന്‍, സംഷദ്‌ തുടങ്ങിയവര്‍ പ്രസംഗിച്ചു. ജോസ്‌ ജംഗ്ഷനില്‍നിന്നും ആരംഭിച്ച പ്രകടനം സൗത്ത്‌ റെയില്‍വേസ്റ്റേഷനില്‍ പോലീസ്‌ തടഞ്ഞു.
തീവണ്ടിയാത്രാനിരക്ക്‌ അന്യായമായി വര്‍ദ്ധിപ്പിച്ച കേന്ദ്രസര്‍ക്കാരിന്റെ ജനദ്രോഹ നടപടികള്‍ക്കെതിരെ ബിജെപിയുടെ പ്രതിഷേധ മാര്‍ച്ച്‌ ആലുവ റെയില്‍വേ സ്റ്റേഷനുമുമ്പില്‍ ജില്ലാ വൈസ്‌ പ്രസിഡന്റ്‌ കെ.പി.രാജന്‍ ഉദ്ഘാടനം ചെയ്തു. മാര്‍ച്ചിന്‌ ജില്ലാ മണ്ഡലം നേതാക്കള്‍ നേതൃത്വം നല്‍കി. മാര്‍ച്ചിനെ അഭിസംബോധന ചെയ്ത്‌ ആലുവ നിയോജകമണ്ഡലം പ്രസിഡന്റ്‌ എം.എന്‍.ഗോപി, ജനറല്‍ സെക്രട്ടറി കെ.ജി.ഹരിദാസ്‌, കളമശ്ശേരി മണ്ഡലം സെക്രട്ടറി സുനില്‍കുമാര്‍, എ.സി.സന്തോഷ് എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: