കൊച്ചി: നഗരത്തില്‍ കഞ്ചാവ്‌ വില്‍പ്പന നടത്തുന്നതിനിടെ യുവാവ്‌ ഷാഡോ പോലീസിന്റെ പിടിയിലായി. പാലാരിവട്ടത്തുനിന്നാണ്‌ ചേര്‍ത്തല വയലാര്‍ വടക്ക്‌ ഞാറക്കാട്‌ വീട്ടില്‍ വക്കച്ചന്‍ എന്ന്‌ വിളിക്കുന്ന വിപിന്‍ (28) പിടിയിലായത്‌. ഇയാള്‍ ചേര്‍ത്തല, വയലാര്‍ പ്രദേശങ്ങളിലും കൊച്ചി നഗരത്തിലും കഞ്ചാവ്‌ വില്‍പ്പന നടത്തിയിരുന്നതായി അറിവായിട്ടുണ്ട്‌. ആവശ്യക്കാരെ മൊബെയില്‍ ഫോണില്‍ ബന്ധപ്പെട്ടശേഷം കഞ്ചാവ്‌ പൊതികള്‍ എത്തിച്ചുകൊടുക്കുകയായിരുന്നു ഇയാള്‍ ചെയ്തിരുന്നത്‌. പിടിയിലാകുന്ന സമയം ഇയാളുടെ കൈവശം വില്‍പ്പനക്കായി കരുതിയിരുന്ന എട്ട്‌ പൊതി കഞ്ചാവുണ്ടായിരുന്നു. ആവശ്യക്കാര്‍ എന്ന വ്യാജേന ഷാഡോ പോലീസ്‌ ഇയാളെ ഫോണില്‍ ബന്ധപ്പെട്ടപ്പോള്‍ പാലാരിവട്ടത്ത്‌ എത്താന്‍ ആവശ്യപ്പെടുകയും തുടര്‍ന്ന്‌ പണം കൈപ്പറ്റി കഞ്ചാവ്‌ പൊതി കൈമാറുന്ന സമയം പിടികൂടുകയുമായിരുന്നു. സ്പെഷ്യല്‍ബ്രാഞ്ച്‌ അസി. കമ്മീഷണ്‍ ടോമി സെബാസ്റ്റ്യന്‌ കിട്ടിയ രഹസ്യവിവരത്തിന്റെ അടിസ്ഥാനത്തില്‍ പാലാരിവട്ടം എസ്‌ഐ വി.ഗോപകുമാര്‍, ഷാഡോ എസ്‌ഐ മുഹമ്മദ്‌ നിസാര്‍, ഷാഡോ പോലീസ്‌ അംഗങ്ങളായ റെജി, ബെന്നി, വിലാസന്‍, ശിവന്‍, ജാബിര്‍, ഷാജി എന്നിവരും പാലാരിവട്ടം പോലീസും ചേര്‍ന്നാണ്‌ തെരച്ചില്‍ നടത്തിയത്‌.
Sunday, November 24, 2024
കഞ്ചാവ്‌ വില്‍പ്പനക്കാരന്‍ പിടിയില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: