ആലുവ: ശിവരാത്രിയാഘോഷങ്ങളുടെ ഭാഗമായി നടത്തിവരുന്ന വ്യാപാരമേളയോടനുബന്ധിച്ച്‌ ഏഴുദിവസം നീണ്ടുനില്‍ക്കുന്ന ദൃശ്യോത്സവത്തിന്‌ തിരിതെളിഞ്ഞു. ചലച്ചിത്ര സംവിധായകന്‍ സിബി മലയില്‍ ദൃശ്യോത്സവം ഉദ്ഘാടനം ചെയ്തു. നഗരസഭ ചെയര്‍മാന്‍ എം.ടി.ജേക്കബ്‌ അദ്ധ്യക്ഷത വഹിച്ചു. അന്‍വര്‍സാദത്ത്‌ എംഎല്‍എ മുഖ്യാതിഥിയായിരുന്നു. ദൃശ്യോത്സവത്തിന്‌ പ്രാദേശിക കലാകാരന്മാരേയും പ്രമുഖവ്യക്തികളെയും ആദരിക്കുന്നതിനുള്ള ചടങ്ങും സംഘടിപ്പിച്ചിട്ടുണ്ട്‌. വ്യത്യസ്തമായ കലാപരിപാടികളും ദൃശ്യോത്സവത്തില്‍ മാറ്റുകൂട്ടും. ഇന്നലെ സ്റ്റാര്‍സിംഗേഴ്സ്‌ കലാകാരന്‍മാര്‍ അവതരിപ്പിച്ച മെഗാഷോ നടന്നു. തുടര്‍ന്നുള്ള ദിവസങ്ങളില്‍ നാടന്‍ പാട്ടുകള്‍, സ്മൃതി സന്ധ്യ, കഥാപ്രസംഗം, മെഗാ മ്യൂസിക്കല്‍ ഡാന്‍സ്‌ നൈറ്റ്‌ ഗോള്‍ഡന്‍ ക്ലാസിക്ക്‌ ഹിറ്റ്സ്‌ ആന്‍ഡ്‌ ഇന്‍സ്ട്രൂമെന്റല്‍ ഫ്യൂഷന്‍, മെഗാ കോമഡിനൈറ്റ്‌ എന്നിവയുണ്ടാകും.
Sunday, November 24, 2024
ശിവരാത്രി മണപ്പുറത്ത്‌ ദൃശ്യോത്സവത്തിന്‌ തിരിതെളിഞ്ഞു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: