പെരുമ്പാവൂര്‍: കാസര്‍ഗോഡ്‌ ജില്ലയില്‍ മധൂര്‍ മിപ്പുഗിരി ദുര്‍ഗ്ഗപരമേശ്വരി ക്ഷേത്രത്തിലെ ദീപസ്തംഭത്തിന്‌ മുകളില്‍ അറുത്തപോത്തിന്റെ തല കയറ്റിവച്ച്‌ മുസ്ലീം തീവ്രവാദികള്‍ വര്‍ഗീയ കലാപത്തിന്‌ ശ്രമം നടത്തുന്നതില്‍ പ്രതിഷേധിച്ച്‌ പെരുമ്പാവൂരില്‍ വിവിധ ഹിന്ദു സംഘടനകളുടെ ആഭിമുഖ്യത്തില്‍ പ്രകടനം നടത്തി. ദിവസങ്ങള്‍ക്ക്‌ മുമ്പ്‌ പെരുമ്പാവൂര്‍ ശ്രീധര്‍മശാസ്താ ക്ഷേത്രത്തിലെ തിരുമുറ്റത്താണ്‌ കേരളത്തെ ഞെട്ടിച്ച ഇതുപോലൊരു സംഭവം അരങ്ങേറിയത്‌. ഇതിന്‌ പിന്നിലും മൂസ്ലീം തീവ്രവാദികള്‍ തന്നെയായിരുന്നു. നാളെ ഇത്തരത്തിലൊന്ന്‌ എവിടെയായിരിക്കുമെന്ന ചോദ്യമാണുയരുന്നത്‌.
വൈകീട്ട്‌ 5ന്‌ ശ്രീധര്‍മ ശാസ്താ മൈതാനത്ത്‌ നിന്നാരംഭിച്ച പ്രതിഷേധ മാര്‍ച്ച്‌ ഗവ.ആശുപത്രി, മാര്‍ക്കറ്റ്‌, കാലടികവല, യാത്രിനിവാസ്‌, ഔഷധി ജംഗ്ഷന്‍ വഴി ക്ഷേത്രമൈതാനിയില്‍ തന്നെ സമാപിച്ചു. പെരുമ്പാവൂരില്‍ ഗോമാതാവിനെ കഴുത്തറുത്ത്‌ കൊന്ന സംഭവത്തിന്‌ ശേഷം കാസര്‍ഗോഡ്‌ നടന്നിരിക്കുന്നത്‌ ആസൂത്രിതമായ നീക്കമാണെന്നും ഇതിനെതിരെ അധികാരികള്‍ കണ്ണടക്കുകയാണെന്നും ഹിന്ദു സംഘടനാനേതാക്കള്‍ പറഞ്ഞു. പ്രതിഷേധ മാര്‍ച്ചിന്‌ രാഷ്‌ട്രീയ സ്വയം സേവകസംഘം ജില്ലാ കാര്യവാഹ്‌ രാജേഷ്‌, താലൂക്ക്‌ കാര്യവാഹ്‌ വിനോദ്‌, ബിജെപി മണ്ഡലം പ്രസിഡന്റ് കെ.ജി.പുരുഷോത്തമന്‍, യുവമോര്‍ച്ച മണ്ഡലം പ്രസിഡന്റ് പ്രകാശ്‌ കെ.റാം, ബിഎംഎസ്‌ നേതാവ്‌ വേണുഗോപാല്‍ തുടങ്ങിയവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: