ലോസ് ഏഞ്ചല്‍സ്: പ്രശസ്ത പോപ് ഗായിക വിറ്റ്‌നി ഹൂസ്റ്റണ്‍ അന്തരിച്ചു. 48 വയസായിരുന്നു. ലോസ് ഏഞ്ചല്‍സിലെ ബെവര്‍ലി ഹില്‍ട്ടണ്‍ ഹോട്ടല്‍ മുറിയില്‍ മരിച്ച നിലയില്‍ കണ്ടെത്തുകയായിരുന്നു. മയക്കുമരുന്നിന് അടിമയായിരുന്ന വിറ്റ്‌നി പുലര്‍ച്ചെ നാല് മണിയ്‌ക്ക് മരിച്ചതായാണ് വിവരം. മരണ കാരണം വ്യക്തമായിട്ടില്ല.
ആറ്‌ ഗ്രാമി പുരസ്കാരം ഉള്‍പ്പെടെ 400ലേറെ പുരസ്കാരങ്ങള്‍ കരസ്ഥമാക്കിയിട്ടുള്ള ഗായികയായ വിറ്റ്‌നി പോപ് സംഗീത ലോകത്തെ രാഞ്ജിയയിട്ടാണ് അറിയപ്പെടുന്നത്.
1963 ആഗസ്‌ത്‌ ഒമ്പതിന്‌ ന്യൂജേഴ്‌സിയിലെ നെവാര്‍ക്കില്‍ ജനിച്ച വിറ്റ്‌നി 1977ല്‍ 14-ാ‍മത്തെ വയസിലാണ്‌ പ്രൊഫഷണല്‍ ഗായികയാകുന്നത്‌. ‘ഐ വില്‍ ആള്‍വെയ്‌സ്‌ ലവ്‌ യു’, ദ ബോഡിഗാര്‍ഡ്‌ എന്നിവ വിറ്റ്‌നിയുടെ പ്രശസ്ത ആല്‍ബങ്ങളാണ്‌.
പ്രതികരിക്കാൻ ഇവിടെ എഴുതുക: