ന്യൂഡൽഹി : പാറ്റാ പാർട്ടിയ്ക്ക് വേണ്ടി 18 ദിവസമായി നിരാഹാര സമരം നടത്തുന്ന ആക്ടിവിസ്റ്റ് സോനം വാങ്ചുക്കിന്റെ സുരക്ഷ ഉറപ്പാക്കണമെന്നാവശ്യപ്പെട്ട് ഡൽഹി ഹൈക്കോടതിയിൽ ഹർജി . നിരാഹാര സമരത്തിനിടെ സോനം വാങ്ചുക്കിന്റെ ആരോഗ്യം വഷളായെന്നും . ഉടൻ ഭക്ഷണം നൽകിയില്ലെങ്കിൽ സ്ഥിതി ഗുരുതരമാകുമെന്ന് ഡോക്ടർമാർ പറഞ്ഞതായും ഹർജിയിൽ പറയുന്നു.
ഹർജിയിൽ ഡൽഹി ഹൈക്കോടതി കേന്ദ്ര, ഡൽഹി സർക്കാരുകളിൽ നിന്ന് പ്രതികരണം തേടി. ഹൈക്കോടതി നാളെ, കേസ് പരിഗണിക്കും. ഹർജിയിൽ, സോനം വാങ്ചുക്കിന് അടിയന്തര വൈദ്യചികിത്സ നൽകാൻ കേന്ദ്ര, ഡൽഹി സർക്കാരുകൾക്ക് കോടതി നിർദ്ദേശം നൽകണമെന്ന് ആവശ്യപ്പെടുന്നു. ആവശ്യമെങ്കിൽ, അദ്ദേഹത്തെ സർക്കാർ ആശുപത്രിയിൽ പ്രവേശിപ്പിക്കണം. ജീവൻ രക്ഷിക്കാൻ ആവശ്യമെങ്കിൽ നിർബന്ധിതമായി ഭക്ഷണം നൽകുകയും വേണമെന്നാണ് ഹർജിയിൽ പറയുന്നത്.
അദ്ദേഹത്തിന്റെ ഭാരം 8.5 കിലോഗ്രാം ഭാരം കുറഞ്ഞതായും നിരാഹാര സമരം തുടർന്നാൽ രണ്ട് ദിവസത്തിനുള്ളിൽ അദ്ദേഹം മരിക്കുമെന്ന് ആക്ടിവിസ്റ്റും അഭിഭാഷകനുമായ രാകേഷ് കുമാർ സൈനി സമർപ്പിച്ച ഹർജിയിൽ പറയുന്നു. അദ്ദേഹത്തിന്റെ ജീവൻ അപകടത്തിലാണെന്നും പ്രതിഷേധക്കാരുടെ ആവശ്യങ്ങൾ ഗൗരവമായി പരിഗണിക്കണമെന്നും സിജെപി സ്ഥാപകൻ അഭിജിത് ദിപ്കെ കേന്ദ്ര സർക്കാരിനോട് അഭ്യർത്ഥിച്ചു.
