കൊച്ചി:വൈദ്യുതി ബോര്ഡില് ശമ്പള-പെന്ഷന് പരിഷ്കരണത്തിന് സര്ക്കാരിന്റെ മുന്കൂര് അനുമതി ആവശ്യമാണെന്ന ഉത്തരവിനെതിരെ ഹൈക്കോടതിയില് ഹര്ജി. കെ.എസ്.ഇ.ബി പെന്ഷണേഴ്സ് കൂട്ടായ്മയാണ് ഹര്ജി നല്കിയത്. ജസ്റ്റിസ് വിജു എബ്രഹാം സര്ക്കാരിന്റെയും കെ.എസ്.ഇ.ബിയുടെയും വിശദീകരണം തേടി.
വൈദ്യുതി നിയമപ്രകാരം ബോര്ഡിന്റെ ആസ്തികളും ബാദ്ധ്യതകളും സര്ക്കാരിലേക്ക് മാറ്റി പിന്നീടത് കെ.എസ്.ഇ.ബി ലിമിറ്റഡ് കമ്പനിയായി രൂപീകരിക്കുകയായിരുന്നു. കൈമാറ്റ വേളയില് സര്ക്കാരും ബോര്ഡും സംഘടനകളും ഒപ്പിട്ട ത്രികക്ഷി കരാറില് ജീവനക്കാരുടെ സേവന വേതന വ്യവസ്ഥകള് ചര്ച്ചയിലൂടെയാണ് തീരുമാനിക്കേണ്ടതെന്നാണ് പറയുന്നത്.
ഇതുപ്രകാരമുള്ള കരാറുകള് നിലനില്ക്കെ മാര്ച്ച് 12നാണ് സര്ക്കാരിന്റെ മുന്കൂര് അനുമതി ആവശ്യമാണെന്ന ഉത്തരവിറങ്ങിയത്. നിലവിലുള്ള കരാറുകളെ മറികടക്കാന് സര്ക്കാരിന് അധികാരമില്ലെന്നും പുതിയ നിര്ദ്ദേശം വ്യവസായ നിയമങ്ങളുടെ ലംഘനമാണെന്നും ഹര്ജിക്കാര് പറയുന്നു. കേസ് തീര്പ്പാകുന്നതുവരെ ഉത്തരവ് സ്റ്റേ ചെയ്യണമെന്നും ആവശ്യമുണ്ട്. ഹര്ജി മേയ് 22ന് വീണ്ടും പരിഗണിക്കും.
