തിരുവനന്തപുരം: ശാസ്തമംഗലത്ത് മൂന്ന് നില വാണിജ്യ കെട്ടിടത്തിൽ തീപ്പിടുത്തം. അല്പം മുമ്പാണ് സംഭവം നടന്നത്. അക്ഷയ ടവറിലെ കണ്ണാട്ട് ഫിൻ ഗോൾഡ് എന്ന സ്വകാര്യ സ്ഥാപനം പ്രവർത്തിക്കുന്ന മൂന്നാം നിലയിലാണ് തീപിടുത്തം ഉണ്ടായത്. മൂന്ന് യൂണിറ്റ് അഗ്നിശമന സേന സ്ഥലത്തെത്തി തീയണച്ചു. അതേസമയം തീ അണച്ചെങ്കിലും ഇപ്പോഴും പുക ഉയരുന്നുണ്ട്. ഷോർട് സർക്യൂട്ട് ആണ് തീപിടുത്തം ഉണ്ടാവാൻ കാരണമെന്നാണ് നിഗമനം.
