തിരുവനന്തപുരം:നിയമസഭാ തിരഞ്ഞെടുപ്പിനായി സമര്പ്പിക്കപ്പെട്ട നാമനിര്ദ്ദേശ പത്രികകളുടെ സൂക്ഷ്മ പരിശോധന പൂര്ത്തിയായപ്പോള് സംസ്ഥാനത്ത് 985 സ്ഥാനാര്ഥികള്. ഇന്ന് 269 സ്ഥാനാര്ഥികളുടെ പത്രികകളാണ് തള്ളിയത്.
കൊടുവള്ളിയിലാണ് ഏറ്റവും കൂടുതല് സ്ഥാനാര്ഥികള് ഉള്ളത്.ഇവിടെ 17 സ്ഥാനാര്ഥികളാണ് നിലവില് മത്സര രംഗത്തുളളത്.തൊട്ട് പിന്നില് 16 സ്ഥാനാര്ഥികള് ഉളള തിരുവനന്തപുരം മണ്ഡലമാണ്.
പല മണ്ഡലങ്ങളിലും പ്രമുഖ മുന്നണികള്ക്ക് വിമത സ്ഥാനാര്ഥികള് രംഗത്തുണ്ട്.ഇവരെ നാളെക്കകം അനുനയിപ്പിക്കാനുള്ള ശ്രമത്തിലാണ് നേതാക്കള്. പത്രിക പിന്വലിക്കാനുള്ള സമയം വ്യാഴാഴ്ച അവസാനിക്കുന്നതോടെ കേരളത്തിലെ യഥാര്ത്ഥ മത്സര ചിത്രം തെളിയും.
