അയോധ്യയിൽ നിന്ന് ആയിരക്കണക്കിന് വീഡിയോകൾ സോഷ്യൽ മീഡിയയിൽ ദിവസവും അപ്ലോഡ് ചെയ്യപ്പെടുന്നു. എന്നാൽ അവയിൽ ചിലത് മാത്രമേ ആളുകളുടെ ഹൃദയങ്ങളിൽ ഇടം നേടാറുള്ളൂ. പ്രത്യേകിച്ച് കുട്ടികളുടെ വീഡിയോകൾ വേഗത്തിൽ വൈറലാകുന്നു. ഇപ്പോഴിതാ ജർമ്മനിയിൽ നിന്ന് അയോധ്യയിലെത്തിയ ആഞ്ജനേയ എന്ന കുഞ്ഞിന്റെ വീഡിയോയാണ് വൈറലാകുന്നത് .ക്ഷേത്രം കണ്ടതിനുശേഷം കുഞ്ഞ് സന്തോഷിക്കുന്നതും കൈകൾ കൂപ്പി പ്രാർത്ഥിക്കുന്നതും ദൃശ്യങ്ങളിൽ കാണാം .
ഇന്ത്യൻ സംസ്കാരത്തിലേക്കും ആത്മീയതയിലേക്കുമുള്ള വിദേശികളുടെ താല്പര്യത്തെ ഈ വീഡിയോ വ്യക്തമായി കാണിക്കുന്നു.
“എന്റെ പേര് അഞ്ജനേയ. ഞാൻ ജർമ്മനിയിൽ നിന്നാണ് വന്നത്. ഇവിടെ വളരെ ചൂടാണ്, പക്ഷേ ഇന്ത്യ അങ്ങനെയാണ്. ഇവിടെ എപ്പോഴും ചൂടാണ്. എനിക്ക്, ചൂട് സാധാരണമാണ് . രാമക്ഷേത്രം വളരെ മനോഹരമാണ്. ഞാൻ ഇന്നലെ രാംലല്ലയുടെ ദർശനം നടത്തി. രണ്ട് ദിവസം മുമ്പ് രാംലല്ലയുടെ വിഗ്രഹം കാണാൻ ഞാൻ ആഗ്രഹിച്ചു, ഒടുവിൽ എനിക്ക് ദർശനം ലഭിച്ചു. അത് വളരെ നല്ല അനുഭവമായിരുന്നു.”എന്നാണ് കുഞ്ഞ് ആഞ്ജനേയ വീഡിയോയിൽ പറയുന്നത് . ദൃശ്യങ്ങൾ ഇതിനോടകം വൈറലായി കഴിഞ്ഞു.
