തിരുവനന്തപുരം: നിയമസഭയില് രാജീവ് ചന്ദ്രശേഖറുടെ നേതൃത്വത്തിലുളള വന് സംഘം ഉണ്ടാകണമെന്ന് കേന്ദ്രമന്ത്രി സുരേഷ് ഗോപി.ഓരോ മണ്ഡലത്തിലെയും എന് ഡി എ സ്ഥാനാര്ഥികള് ജയിച്ചു വരേണ്ടത് കേരളത്തിന് വേണ്ടിയാണ്.
കേരളത്തിലെ ജനങ്ങള് കഴിഞ്ഞ 10 വര്ഷം നേരിട്ടത് ഭരണദുരന്തമാണ്.2006 ല് വി എസിനെ ഒരുകാരണവശാലും വിജയിപ്പിക്കരുത് എന്ന് പറഞ്ഞ് ഒരുപാട് പേര് നടന്നു.അന്ന് വി എസിന് വേണ്ടി തെരഞ്ഞെടുപ്പ് പ്രചാരണത്തിന് താന് പോയിരുന്നു.2006 ല് വി എസിന് വേണ്ടി 11 വേദികളില് പ്രചാരണത്തിന് പോയി. വി എസിനെയും നായനാരെയും പോലെ ചങ്കുറപ്പുള്ള ഒരു നേതാക്കളും ഇന്ന് സി പി എമ്മില് ഇല്ല.
രാഹുല് ഗാന്ധി ഒരു പാരമ്പര്യം ആണെങ്കില് പത്മജയും ഒരു പാരമ്പര്യമാണ്. കരുണാകര പാരമ്പര്യത്തിന്റെ തുടര്ച്ചയാണ് താമരചിഹ്നത്തില് മത്സരിക്കാന് പോകുന്നത്. അന്തസുള്ള മലയാളി ആരെന്ന് ചോദിച്ചാല് ആദ്യം എഴുതി വയ്ക്കുന്ന പേരില് ലീഡര് കരുണാകരന് കാണും.അവരെ വിജയിപ്പിച്ചാല് അത് വലിയ ഗുരുദക്ഷിണയാണ്.
കഴിഞ്ഞ ഉപതിരഞ്ഞെടുപ്പില് പാലക്കാട് ശോഭ സുരേന്ദ്രന് മത്സരിച്ചു ജയിച്ചു വന്നിരുന്നെങ്കില് നമ്മുടെ കര്ട്ടന് റൈസര് അതായേനെ. മുഖ്യമന്ത്രിയും പ്രതിപക്ഷ നേതാവും കള്ളന്മാരാണെന്ന് പൊലീസ് ആണ് പറയേണ്ടത്.
ശബരിമലയില് മോഷ്ടിക്കപ്പെട്ട സ്വര്ണം തിരിച്ചുകൊണ്ടുവന്ന് വയ്ക്കേടോ എന്ന് നിയമസഭയില് പറയാന് ആരും ഇല്ലാതായെന്നും സുരേഷ് ഗോപി പറഞ്ഞു.
