തമിഴ്നാട്ടിലെ സർക്കാർ സ്കൂളുകളിലെ വാർഷിക ചടങ്ങുകളിൽ നടൻ വിജയ്യുടെ സിനിമാ ഗാനങ്ങൾ ഉപയോഗിക്കുന്നത് ഒഴിവാക്കാൻ പ്രധാനാധ്യാപകർക്ക് നിർദ്ദേശം . ഈ തീരുമാനം വിദ്യാഭ്യാസ വൃത്തങ്ങളിൽ വ്യാപകമായ ചർച്ചകൾക്ക് വഴിയൊരുക്കിയിട്ടുണ്ട്.
സ്കൂൾ ചടങ്ങുകളിൽ വിദ്യാർത്ഥികൾ സിനിമാ ഗാനങ്ങൾക്കൊപ്പം നൃത്തം ചെയ്യുന്നത് വർഷങ്ങളായി തമിഴ്നാട്ടിൽ പതിവാണ്. പ്രത്യേകിച്ച് കഴിഞ്ഞ കുറച്ച് വർഷങ്ങളായി, വിജയ്യുടെ പാട്ടുകൾ മാത്രമാണ് വിദ്യാർത്ഥികൾ തെരഞ്ഞെടുത്തിരുന്നത്.എന്നാൽ രാഷ്ട്രീയ പാർട്ടിയെ സ്കൂൾ പരിസരത്ത് നിന്ന് അകറ്റുന്നതിനായാണ് പുതിയ തീരുമാനമെന്നാണ് സർക്കാർ പറയുന്നത്.
വിജയ് യുടെ രാഷ്ട്രീയ പ്രവേശനത്തിനു ശേഷം, സർക്കാർ അദ്ദേഹത്തിനെതിരെ നിരവധി നടപടികൾ സ്വീകരിച്ചിരുന്നു. പ്രത്യേകിച്ച് വിജയ് ക്ക് വിസിൽ ചിഹ്നം അനുവദിച്ചപ്പോൾ, ലോകകപ്പ് മത്സരങ്ങൾ ചെന്നൈയിലെ ചെപ്പോക്ക് സ്റ്റേഡിയത്തിലായിരുന്നു നടന്നത്. ആ സമയത്ത്, സ്റ്റേഡിയത്തിലേക്ക് വിസിൽ കൊണ്ടുപോകാൻ പോലീസ് അനുമതി നിഷേധിച്ചിരുന്നു.
