സാമ്പത്തിക സ്ഥിരത കൈവരിച്ചതിനുശേഷം മാത്രമേ ഭാര്യ ഭർത്താക്കന്മാർ കുഞ്ഞുങ്ങളെ ജനിപ്പിക്കുന്നതിനെക്കുറിച്ച് ചിന്തിക്കാൻ പാടുള്ളൂ എന്ന നടി വരലക്ഷ്മി ശരത് കുമാറിന്റെ പ്രസ്താവന വിവാദമാകുന്നു.
‘ ജനസംഖ്യയിൽ ഒന്നാം സ്ഥാനത്താണെങ്കിലും പരസ്പരം ഒരുമിച്ചുള്ള ജീവിതത്തെ കുറിച്ച് സംസാരിക്കാൻ ഇവിടെ ആർക്കും താല്പര്യം ഇല്ലാത്ത രാജ്യത്താണ് നമ്മൾ ജീവിക്കുന്നത്. ഇതിനെക്കുറിച്ച് സംസാരിക്കാൻ എല്ലാവർക്കും മടിയാണ് എനിക്കത് തമാശയായിട്ടാണ് തോന്നിയത് എല്ലാവരും ഫാക്ടറിയിൽ എന്നപോലെയാണ് കുട്ടികളെ പെറ്റുകൂട്ടുന്നത് എന്നിട്ടും അയ്യോ ഞങ്ങൾക്ക് ദാരിദ്ര്യമാണ് കഷ്ടപ്പാടാണ് എന്ന് പറഞ്ഞ് കരയാൻ തുടങ്ങും.
ആരാണ് ഇവരോട് ഇങ്ങനെ കുട്ടികളെ ജനിപ്പിക്കാൻ പറയുന്നത് കുട്ടികളുണ്ടായ ശേഷം മാത്രം കാര്യങ്ങൾ പ്ലാൻ ചെയ്യരുത് അതിനു മുൻപേ ഇതെല്ലാം പ്ലാൻ ചെയ്യണം . നമ്മുടെ സാമ്പത്തിക വ്യവസ്ഥ ആകെ മാറിയിരിക്കുകയാണ് കുട്ടികളെ വളർത്തുക എന്ന് പറയുന്നത് വളരെ ചിലവേറിയ കാര്യമാണ് . ആളുകൾ കുട്ടികളുമായി ഒരോ സഹായം ചോദിച്ചു വരുന്നുണ്ട്. ഞാനാണോ പ്രസവിച്ചത് നിങ്ങളുടെ തെറ്റിന് ഞാനെന്തിന് സഹായിക്കണം. നിങ്ങളുടെ കുട്ടിയെ നിങ്ങൾ തന്നെ നോക്കിക്കോളൂ താങ്ങാൻ കഴിയുന്ന സാമ്പത്തിക സ്ഥിതിയുള്ളപ്പോൾ മാത്രം കല്യാണം കഴിക്കാനും കുഞ്ഞുങ്ങളെ കുറിച്ച് ചിന്തിക്കുകയും മതിയെന്നും വരലക്ഷ്മി പറഞ്ഞു.
