രാജ്യത്തെ ഏറ്റവും വലിയ ധനികനായ മുകേഷ് അംബാനിയുടെ ഭാര്യ നിത ഒരു സാധാരണ കുടുംബത്തിലാണ് ജനിച്ചു വളർന്നത് . വിവാഹത്തിന് മുമ്പ് നിതയുടെ പേര് നിത ദലാൽ എന്നായിരുന്നു. സ്കൂളിൽ അദ്ധ്യാപികയായിരുന്നു നിത . ഒപ്പം ഭരതനാട്യത്തിലും വളരെ പ്രാവീണ്യം നേടിയിരുന്നു.
മുകേഷ് അംബാനിയുടെ അമ്മ കോകിലാബെൻ ഒരു പൊതു പരിപാടിയിൽ നിതയുടെ നൃത്തം കണ്ട് മരുമകളാക്കാൻ തീരുമാനിക്കുകയായിരുന്നു . ധീരുഭായ് അംബാനിയോട് കാര്യം പറഞ്ഞ ഉടനെ നിതയുടെ അച്ഛനെ വിളിച്ച് വിവാഹ കാര്യം പറയുകയും ചെയ്തു . രാജ്യത്തെ പ്രമുഖ വ്യവസായിയുടെ കുടുംബത്തിൽ നിന്ന് മകൾക്ക് വിവാഹാലോചന വന്നപ്പോൾ നിതയുടെ പിതാവ് ഞെട്ടി. നിതയ്ക്കും അത്ഭുതമായിരുന്നു. പ്രതിമാസം 800 രൂപ ശമ്പളത്തിൽ അദ്ധ്യാപികയായി ജോലി ചെയ്യുന്ന തനിക്ക് ഇത്തരമൊരു ആലോചന വന്നതിനെ പറ്റി സംശയവുമുണ്ടായിരുന്നു.
പിന്നീട് മുകേഷ് അംബാനിയുടെ വിവാഹാലോചന അവർ സ്വീകരിച്ചു. വിവാഹത്തിന് സമ്മതിക്കും മുമ്പ് നിത മുകേഷ് അംബാനിയോട് ഒരു നിബന്ധന വെച്ചു. മുകേഷ് അംബാനിയും ആ നിബന്ധന അംഗീകരിച്ചതോടെ മുതിർന്നവരുടെ ആശീർവാദത്തോടെ വിവാഹം നടന്നു. അതോടെ നിതാ ദലാൽ നിത അംബാനിയായി. ഒരു അഭിമുഖത്തിൽ നിത തന്നെയാണ് ഇക്കാര്യം അറിയിച്ചത്.
മുകേഷ് അംബാനിക്ക് നിത അംബാനി നൽകിയ നിബന്ധന എന്താണെന്നല്ലേ ? വിവാഹത്തിന് ശേഷവും അദ്ധ്യാപികയായി ജോലി ചെയ്യണമെന്നാണ് ആഗ്രഹമെന്നും , അതിന് അനുവദിക്കണമെന്നുമാണ് നിത ആവശ്യപ്പെട്ടത് . മുകേഷ് സമ്മതിച്ചു . എന്നാൽ വിവാഹശേഷം നിത അധികകാലം അദ്ധ്യാപികയായി ജോലി ചെയ്തില്ല. പിന്നീട് നിത അംബാനി മുംബൈയിൽ ധീരുഭായ് അംബാനി ഇൻ്റർനാഷണൽ സ്കൂൾ സ്ഥാപിച്ചു.
