കൊച്ചി: മുന് മന്ത്രി ആന്റണി രാജുവിന് ചൊവ്വാഴ്ച നിര്ണായക ദിനം. തൊണ്ടിമുതല് കേസില് മൂന്ന് വര്ഷത്തെ തടവുശിക്ഷയും കുറ്റക്കാരനാണെന്ന കണ്ടെത്തലും മരവിപ്പിക്കണമെന്ന് ആവശ്യപ്പെട്ട് ആന്റണി രാജു സമര്പ്പിച്ച ഹര്ജിയില് ഹൈക്കോടതി ചൊവ്വാഴ്ച വിധി പറയും.
നിയമസഭാ തിരഞ്ഞെടുപ്പില് മത്സരിക്കുന്നതിനായി ശിക്ഷ നടപ്പാക്കുന്നത് തടയണമെന്നാണ് ആന്റണി രാജുവിന്റെ പ്രധാന ആവശ്യം. ജനപ്രാതിനിധ്യ നിയമപ്രകാരം രണ്ട് വര്ഷത്തില് കൂടുതല് ശിക്ഷിക്കപ്പെട്ടവര്ക്ക് തെരഞ്ഞെടുപ്പില് മത്സരിക്കുന്നതിന് വിലക്കുണ്ട്.
തിരുവനന്തപുരം എംഎല്എ സ്ഥാനം കേസില് ശിക്ഷിക്കപ്പെട്ടത് മൂലം ആന്റണി രാജുവിന് നഷ്ടപ്പെട്ടിരുന്നു. ജസ്റ്റിസ് സി. ജയചന്ദ്രനാണ് ചൊവ്വാഴ്ച ഹര്ജിയില് വിധി പറയുക.
തിരുവനന്തപുരം മണ്ഡലത്തില് ഇടതുമുന്നണി സ്ഥാനാര്ത്ഥിയെ പ്രഖ്യാപിച്ചിട്ടില്ല. കേസിലെ വിധിക്കായി കാക്കുകയാണ്.
