ശബരിമല: മീനമാസ പൂജകള്ക്കായി ശബരിമല നട തുറന്നു. തന്ത്രി കണ്ഠര് മഹേഷ് മോഹനരുടെ സാന്നിധ്യത്തില് മേല്ശാന്തി ഇ.ഡി.പ്രസാദ് നടതുറന്ന് ദീപം തെളിയിച്ചു. ശേഷം പതിനെട്ടാം പടിയ്ക്ക് താഴെ ആഴിയില് അഗ്നി പകര്ന്നു. ഞായറാഴ്ച, മീനമാസം ഒന്നിന് രാവിലെ 5 മണിമുതലാണ് ദര്ശനം. കളഭാഭിഷേകവും പടിപൂജയും അടക്കമുള്ള പൂജകള് പൂര്ത്തിയാക്കി മാര്ച്ച് 19ന് രാത്രി 10 മണിക്ക് നടയടയ്ക്കും.
ശബരിമല ഉത്സവത്തിനായി മാര്ച്ച് 22 വൈകിട്ട് അഞ്ചുമണിക്ക് നട തുറക്കും. 23 ന് കൊടിയേറും. 31നാണ് പള്ളിവേട്ട. ഏപ്രില് ഒന്നിനാണ് പമ്പയില് ആറാട്ട്. രാത്രി പത്തിന് നട അടയ്ക്കും.
ദര്ശനം നടത്താന് വെര്ച്ചല് ക്യു വെബ്സൈറ്റ് വഴി സ്ലോട്ട് ഉറപ്പുവരുത്തണം. സന്നിധാനത്ത് താമസിക്കണമെങ്കില് www.onlinetdb.com എന്ന വെബ്സൈറ്റിലൂടെ മുറികള് ബുക്ക് ചെയ്യാം.
