കൊച്ചി : നഴ്സുമാരുടെ പണിമുടക്ക് നേരിടാന് എസ്മ പ്രയോഗിക്കണമെന്നാവശ്യപ്പെട്ട് കേരളാ പ്രൈവറ്റ് ഹോസ്പിറ്റല് അസോസിയേഷന് നല്കിയ ഹര്ജിയില് ഇടപെട്ട് ഹൈക്കോടതി. ആശുപത്രി സേവനങ്ങള് മുടങ്ങരുതെന്ന് കോടതി പറഞ്ഞു. ആശുപത്രിയ്ക്കും ജോലി ചെയ്യാന് സന്നദ്ധരായ ജീവനക്കാര്ക്കും സുരക്ഷ ഉറപ്പാക്കണമെന്ന് കോടതി നിര്ദേശിച്ചു. പൊലീസിനും തൊഴില്വകുപ്പിനുമാണ് കോടതി നിര്ദ്ദേശം.
അതേസമയം, നഴ്സുമാരുടെ സമരം കോഴിക്കോട്ടെ നാല്പതിലേറെ സ്വകാര്യ ആശുപത്രികളെ ബാധിച്ചു. രോഗികളെ മെഡിക്കല് കോളേജിലേക്ക് മാറ്റാന് കേരള പ്രൈവറ്റ് ഹോസ്പിറ്റല് മാനേജ്മെന്റ് അസോസിയേഷന് കളക്ടറുടെ അനുമതി തേടി.എന്നാല് ആവശ്യങ്ങള് അംഗീകരിക്കും വരെ സമരം തുടരുമെന്നാണ് നഴ്സുമാരുടെ സംഘടനയായ യു എന് എയുടെ നിലപാട്.
അടിസ്ഥാന ശമ്പളം നാല്പതിനായിരം രൂപയാക്കണമെന്നാണ് നഴ്സുമാരുടെ ആവശ്യം.
Ma
