കൊച്ചി: കേന്ദ്രപദ്ധതിക്കു തടയിടാന് ശ്രമിച്ച പിണറായി സര്ക്കാരിന് ഹൈക്കോടതിയില് തിരിച്ചടി. കൊല്ലം ആശ്രാമത്തെ ഇഎസ്ഐ ആശുപത്രി ഇഎസ്ഐ മെഡിക്കല് കോളേജ് ആയി ഉയര്ത്തുന്നതിന് ആവശ്യമായ എസ്സന്ഷ്യലിറ്റി സര്ട്ടിഫിക്കറ്റ് നാലാഴ്ചയ്ക്കകം നല്കണമെന്ന് സംസ്ഥാന സര്ക്കാരിനോട് ഹൈക്കോടതി നിര്ദേശിച്ചു. സര്ട്ടിഫിക്കറ്റ് നല്കാന് സര്ക്കാര് രാഷ്ട്രീയ കാരണങ്ങളാല് നടപടിയെടുക്കുന്നില്ലെന്ന് ആരോപിച്ച് എന് കെ പ്രേമചന്ദ്രന് എം പി നല്കിയ ഹര്ജി തീര്പ്പാക്കിക്കൊണ്ടാണ് ഡിവിഷന് ബെഞ്ച് ഈ നിര്ദേശം നല്കിയത്. പദ്ധതി ചെലവായ 600 കോടി രൂപ ചെലവിടാന് ഇഎസ്ഐ കോര്പ്പറേഷന് തയ്യാറായെങ്കിലും എസ്സന്ഷ്യലിറ്റി സര്ട്ടിഫിക്കറ്റ് വൈകിപ്പിച്ചും നല്കാതെയും ഇടതു പക്ഷ സര്ക്കാര് പദ്ധതി അട്ടിമറിക്കാന് ശ്രമിക്കുകയാണ് ചെയ്തത്. ഇക്കാര്യം ചൂണ്ടിക്കാട്ടിയുള്ള ഹര്ജി ഹൈക്കോടതിയുടെ പരിഗണനയില് വരുകയും പ്രേമചന്ദ്രന് വാര്ത്താ സമ്മേളനം നടത്തുകയും ചെയ്തതോടെ തിരക്കിട്ട് സര്ട്ടിഫിക്കറ്റ് നല്കുന്നതിനു മുന്നോടിയായുള്ള പരിശോധനയ്ക്ക് സര്ക്കാര് തുടക്കം കുറിച്ചു. ഇക്കാര്യം കോടതിയെ അറിയിച്ച് തടിയൂരുകയായിരുന്നു സര്ക്കാര്. ഇതോടെയാണ് നാലാഴ്ച സമയം കോടതി അനുവദിച്ചത്.
