ന്യൂദല്ഹി :ഇറാന് പടക്കപ്പല് ഐറിസ് ദേനയില് അമേരിക്കന് ആക്രമണം ഉണ്ടായതിനെ തുടര്ന്ന് തെരച്ചില് ഉള്പ്പെടെയുള്ള രക്ഷാപ്രവര്ത്തന നടപടികള് തുടരുന്നതായി ഇന്ത്യന് നാവികസേന. അപായ സന്ദേശം ലഭിച്ചതിന് പിന്നാലെ തന്നെ രക്ഷാപ്രവര്ത്തനത്തിന് മുന്കൈയെടുത്തു.
കഴിഞ്ഞ ദിവസം പുലര്ച്ചെയാണ് ഇറാന് കപ്പലിന് നേരെ ആക്രമണം ഉണ്ടായെന്നുളള വിവരം ലഭിച്ചത്. ഉടന് സമുദ്ര നിരീക്ഷണ വിമാനം സ്ഥലത്തേക്ക്പുറപ്പെട്ടു.രക്ഷാപ്രവര്ത്തനങ്ങള്ക്കായി ഐഎന്എസ് തരംഗിണിയെ വിന്യസിച്ചു. ഇന്ത്യന് നാവികസേന എത്തുമ്പോഴേക്കും ശ്രീലങ്കന് നാവികസേന രക്ഷാപ്രവര്ത്തനങ്ങള് ആരംഭിച്ചിരുന്നു. തെരച്ചിലിനായി ഐഎന്എസ് ഇക്ഷാക്കും കൊച്ചിയില് നിന്ന് പുറപ്പെട്ടു. ശ്രീലങ്കയുമായി ചേര്ന്ന് ഇപ്പോള് മേഖലയില് രക്ഷാപ്രവര്ത്തനം പുരോഗമിക്കുകയാണെന്ന് ഇന്ത്യന് നാവികസേന അറിയിച്ചു.
