തമിഴ് സൂപ്പർ താരം ദളപതി വിജയ്യും ഭാര്യ സംഗീതയും തമ്മിലുള്ള വിവാഹമോചനക്കേസ് കോടതിക്കു പുറത്ത് ഒത്തുതീർപ്പാക്കാൻ നീക്കം നടക്കുന്നതായി റിപ്പോർട്ടുകൾ. രാഷ്ട്രീയ പ്രവേശനത്തിന്റെ പശ്ചാത്തലത്തിൽ കുടുംബത്തിന്റെ അന്തസ്സ് സംരക്ഷിക്കാനും വിഷയം സ്വകാര്യമായി സൂക്ഷിക്കാനുമായി വിജയ് നേരിട്ട് ഇടപെട്ട് ചർച്ചകൾ നടത്തുന്നതായാണ് വിവരം
പ്രത്യേകിച്ച് സംഗീത ഉന്നയിച്ച ആരോപണങ്ങൾ എല്ലാവരെയും ഞെട്ടിച്ചിരിക്കുകയാണ്. ഇപ്പോഴിതാ സംഗീതയെ കുറിച്ച് വിജയുടെ അമ്മ ശോഭയുടെ വാക്കുകളാണ് വൈറലാകുന്നത്.
“സംഗീത എന്റെ മരുമകൾ മാത്രമല്ല. അവൾ എന്റെ ഉറ്റ സുഹൃത്തുമാണ്. കുട്ടികളോട് വളരെ ശ്രദ്ധാലുവും വാത്സല്യമുള്ളവളുമാണ്. കുട്ടികൾ എന്തെങ്കിലും ആവശ്യപ്പെട്ടാൽ, അത് സാധാരണ വെള്ളമാണെങ്കിൽ പോലും, ജോലിക്കാരോട് പറയാതെ കുട്ടികൾക്ക് വേണ്ടത് അവൾ തന്നെ ചെയ്യും. സ്വന്തം കൈകൾ കൊണ്ട് കുട്ടികൾക്കുവേണ്ടി അത് ചെയ്യണമെന്ന് അവൾ ഉറച്ചു വിശ്വസിക്കുന്നു. അവർ ഒരു നല്ല അമ്മയാണ്. വിജയുടെ മക്കൾ ഭാഗ്യവാന്മാരാണ്.“ എന്നാണ് ശോഭ അഭിമുഖത്തിൽ പറയുന്നത് .
ദീപയും സംഗീതയും ഞങ്ങളുടെ വീട്ടിൽ വന്ന് ലണ്ടനിൽ നിന്ന് വരുന്ന സഹോദരിമാരാണെന്ന് പറഞ്ഞു. അവർ രണ്ടുപേരും 1996 ൽ വിജയ്യെ കാണാൻ വന്നു. ‘കാലമെല്ലാം കാത്തിരിന്നേൻ’ എന്ന സിനിമയുടെ ഷൂട്ടിംഗിലായിരുന്നു വിജയ് . അവർ അവിടെ പോയി വിജയിയെയും കണ്ടു. അതിനുശേഷം, 1997 ൽ അവർ വീണ്ടും ഒരു വിവാഹാലോചനയുമായി തിരിച്ചെത്തി. എന്റെ ഭർത്താവിന് സംഗീതയെ ഇഷ്ടപ്പെട്ടു, ഞങ്ങൾ വിവാഹത്തിന് ഓക്കേ പറഞ്ഞു. എല്ലാം ദൈവത്തിന്റെ ഇഷ്ടമാണ്.” – എന്നും ശോഭ പറയുന്നു.
