കൊച്ചി: അഞ്ച് വര്ഷത്തെ തീരാവേദനയൊഴിഞ്ഞു, ഓപ്പറേഷനിടെ വയറ്റില് മറന്നുവച്ച കത്രിക നീക്കിയതിന് ശേഷം ആലപ്പുഴ പുന്നപ്ര സ്വദേശി ഉഷ ജോസഫ് (51) കൊച്ചിയിലെ അമൃത ആശുപത്രി വിട്ടു. ആലപ്പുഴ വണ്ടാനം ടി.ഡി. മെഡിക്കല് കോളജ് ആശുപത്രിയില് വച്ച് 2021 മെയ് 10ന് നടത്തിയ ഗര്ഭാശയ മുഴ നീക്കാനുള്ള ശസ്ത്രക്രിയക്കിടെയാണ് ഉഷയുടെ വയറ്റില് കത്രിക മറന്നുവച്ചത്. ഇതേത്തുടര്ന്ന് ദുരിത ജീവിതം നയിക്കുകയായിരുന്നു അവര്.
അടുത്തിടെ ഇതേ ആശുപത്രിയില് തന്നെ നടത്തിയ സ്കാനിങ്ങിലാണ് ആര്ട്ടറി ഫോര്സെപ്സ് എന്ന ശസ്ത്രക്രിയാ ഉപകരണം വയറ്റില് കുടുങ്ങിയതായി കണ്ടെത്തുന്നത്. പിന്നാലെ 19ന് അമൃതയിലെത്തുകയും 21ന് ഓപ്പറേഷന് നടത്തുകയുമായിരുന്നു.
ഇന്നലെ വൈകിട്ട് 3.30യോടെ ഡിസ്ചാര്ജ് ചെയ്ത് വീട്ടിലേക്ക് മടങ്ങി. മാതാ അമൃതാനന്ദമയി മഠം സൗജന്യമായാണ് ചികിത്സ നല്കിയത്. അമൃത ആശുപത്രിയിലെ ഗ്യാസ്ട്രോ സര്ജറി വിഭാഗം മേധാവി ഡോ. ഒ.വി. സുധീര്, യൂറോളജി വിഭാഗം മേധാവി ഡോ. കെ.വി. സഞ്ജീവന്, ഗൈനക്കോളജി വിഭാഗം മേധാവി ഡോ. രാധാമണി കെ. എന്നിവരാണ് നേതൃത്വം നല്കിയത്.
