തിരുവനന്തപുരം : ആറ്റുകാൽ പൊങ്കാല തടസപ്പെടുത്താൻ ശ്രമിക്കുന്ന കമ്യൂണീസ്റ്റുകാരെ പരിഹസിച്ച് യുവരാജ് ഗോകുൽ. വെള്ളം മുട്ടിച്ചും അന്നം മുട്ടിച്ചുമൊക്കെ പൊങ്കാല കുളമാക്കാന് കമ്മികള്ക്ക് ആഗ്രഹിക്കാമെന്നും , എന്നാൽ അത് ആഗ്രഹം മാത്രമായി അവസാനിക്കുമെന്നും യുവരാജ് ഫേസ്ബുക്ക് പോസ്റ്റിൽ പറയുന്നു.
2014 ൽ ആറ്റുകാല് പൊങ്കാലയുടെ തലേദിവസം നഗരത്തിലെ ആറ് പൈപ്പുകള് ഒരുമിച്ച് പൊട്ടിയ കാര്യവും ഫേസ്ബുക്ക് പോസ്റ്റിൽ പറയുന്നുണ്ട് .
‘ വര്ഷം 2014….
ആറ്റുകാല് പൊങ്കാലയുടെ തലേദിവസം നഗരത്തിലെ ആറ് പൈപ്പുകള് ഒരുമിച്ച് പൊട്ടി….
ലക്ഷക്കണക്കിന് ആള്ക്കാര് വിവിധ ജില്ലകളില് നിന്ന് നഗരത്തിലെ പല വീടുകളിലായി എത്തി കഴിഞ്ഞിരുന്നു….
നഗരം നരകമായി മാറാന് ഏതാനും മണിക്കൂറുകള് മാത്രം മതിയാകുമായിരുന്നു….
ആശങ്കയുടെ തീരത്ത് നിന്ന നഗരത്തിലേക്ക് സാക്ഷാല് ഭദ്രകാളിയുടെ സൈന്യം പോലെ സ്വയംസേവകര് ഇറങ്ങി….
ഓരോ വീടുകളിലും ടാങ്കര് ലോറികളില് ജലം എത്തി….
അടുത്ത ദിവസം മാതൃഭൂമി പോലും വലിയ വാര്ത്തയെഴുതി….
പറഞ്ഞു വന്നത്…. വെള്ളം മുട്ടിച്ചും അന്നം മുട്ടിച്ചുമൊക്കെ പൊങ്കാല കുളമാക്കാന് കമ്മികള്ക്ക് ആഗ്രഹിക്കാം…. അത് ആഗ്രഹം മാത്രമായി അവസാനിക്കും.‘ – എന്നാണ് യുവരാജ് പറയുന്നത് .
