ആലപ്പുഴ: മന്ത്രി വീണാ ജോര്ജിനെ കെഎസ്യു പ്രവര്ത്തകര് ആക്രമിച്ചിട്ടില്ലെന്ന വാദവുമായി പ്രതിപക്ഷ നേതാവ് വിഡി സതീശന്. മന്ത്രിയുടെ അടുത്തു പോലും കെഎസ്യു പ്രവര്ത്തകര് എത്തിയില്ല.മൂന്നോ നാലോ കെഎസ്യു പ്രവര്ത്തകരും 35 പൊലീസുകാരും ഉണ്ടായിരുന്നു. പ്രതിഷേധം സ്വാഭാവികമാണെന്ന് പറഞ്ഞ പ്രതിപക്ഷ നേതാവ് ഇനിയും പ്രതിഷേധിക്കുമെന്നും വ്യക്തമാക്കി.
തനിക്ക് എതിരെ പ്രതിഷേധിച്ചോളൂവെന്ന് പറഞ്ഞ വി ഡി സതീശന് കേരളത്തെ ഈ അവസ്ഥയില് എത്തിച്ചത് താന് ആണല്ലോയെന്നും പരിഹസിച്ചു.സംഭവത്തില് പ്രാഥമിക അന്വേഷണം നടത്തി.ആക്രമണം നടന്നിട്ടില്ലെന്നാണ് പ്രാഥമിക അന്വേഷണത്തില് നിന്ന് മനസിലായത്. ഒരു വീഡിയോയില് പോലും മന്ത്രിയെ ആക്രമിക്കുന്നത് കാണാനില്ലെന്ന് അദേഹം പറഞ്ഞു.തെറ്റ് ഉണ്ടെങ്കില് പരിശോധിച്ചു നടപടിയെടുക്കും.
