കണ്ണൂർ: കെഎസ്യു പ്രവർത്തകരുടെ കരിങ്കൊടി പ്രതിഷേധത്തിനിടെ ആരോഗ്യമന്ത്രി വീണാ ജോർജിന് പരിക്ക്. കണ്ണൂർ റെയിൽവേ സ്റ്റേഷനിലാണ് സംഭവം. കഴുത്തിനും കെെയ്ക്കുമാണ് പരിക്കേറ്റത്. പ്രതിഷേധക്കാര് മര്ദിച്ചെന്ന് വീണാ ജോര്ജ് പറഞ്ഞു.
വന്ദേഭാരത് ട്രെയിനിൽ യാത്ര ചെയ്യാനെത്തിയപ്പോൾ ടിക്കറ്റ് കൗണ്ടറിന് അടുത്തുവച്ചാണ് പ്രതിഷേധമുണ്ടായത്. മന്ത്രി ഒരുവശത്തുകൂടി കടന്നുപോകുമ്പോള് മന്ത്രിക്കുനേരെ പ്രതിഷേധക്കാര് തള്ളിക്കയറി വരികയായിരുന്നു.
സ്പീക്കറും റയില്വേ സ്റ്റേഷനില് ഉണ്ടായിരുന്നു. മന്ത്രിയെ സമരക്കാര് ആക്രമിച്ചെന്ന് സ്പീക്കറും പറഞ്ഞു. മന്ത്രിയെ കണ്ണൂർ ജില്ലാ ആശുപത്രിയിൽ പ്രവേശിപ്പിച്ചു
