ഹുബ്ലി: രഞ്ജി ട്രോഫി പുതിയ സീസണ് ജേതാക്കള്ക്കായുള്ള പോരാട്ടം ഇന്ന് ആരംഭിക്കും. ഫൈനലില് ജമ്മു കശ്മീരും മുന് ജേതാക്കളായ കര്ണാടകയും ആണ് ഏറ്റുമുട്ടുക. ചരിത്രത്ിതല് ആദ്യമായാണ് ജമ്മു കശ്മീര് രഞ്ജി ഫൈനല് കളിക്കുന്നത്. കര്ണാടകയുടെ 15-ാം ഫൈനലും. രാവിലെ 9.30 മുതല് ഹുബ്ലി സ്റ്റേഡിയത്തിലാണ് പോരാട്ടം ആരംഭിക്കുക.
ഇതുവരെ എട്ട് തവണ കര്ണാടക ജേതാക്കളായിട്ടുണ്ട്. ആറ് തവണ റണ്ണറപ്പുകളായി. ഇതിന് മുമ്പ് കര്ണാടക ഫൈനലിലെത്തിയത് 2014-15 സീസണിലാണ്. അന്ന് ഫൈനലില് തമിഴ്നാടിനെ തോല്പ്പിച്ചാണ് കര്ണാടക കിരീടം നേടിയത്.
ഇക്കുറി സെമിയില് ഉത്തരാഖണ്ഡിനെ മറികടന്നാണ് കര്ണാടക ഫൈനലിലെത്തിയിരിക്കുന്നത്. സമനിലയില് കലാശിച്ച സെമിയില് ആദ്യ ഇന്നിങ്സില് ലീഡ് നേടിയതിന്റെ ബലത്തിലാണ് കര്ണാടക മുന്നേറിയത്.
ജമ്മു കശ്മീര് തകര്പ്പന് ജയത്തോടെയാണ് ആദ്യഫൈനലിലേക്ക് മാര്ച്ച് ചെയ്തിരിക്കുന്നത്. കരുത്തരായ ബംഗാളിനെ ആറ് വിക്കറ്റിനാണ് പരാജയപ്പെടുത്തിയത്. ക്വാര്ട്ടര് പോരാട്ടത്തില് മദ്ധ്യപ്രദേശിനെയാണ് കര്ണാടക തോല്പ്പിച്ചത്. ആദ്യ റൗണ്ട് മത്സരത്തില് ഏഴില് മൂന്ന് മത്സരങ്ങള് വിജയിച്ചുകൊണ്ട് എലൈറ്റ് ഗ്രൂപ്പ് ഡിയില് നിന്ന് രണ്ടാം സ്ഥാനക്കാരായാണ് ജമ്മു കശ്മീര് ക്വാര്ട്ടറിലെത്തിയത്.
