അയോദ്ധ്യ: ശ്രീരാമജന്മഭൂമിയില് രാഷ്ട്രഭക്തിയുടെ ഗാനതരംഗമുയര്ത്തി ഘോഷ് വാദക സംഘം. ഗണവേഷധാരികളായി ദല്ഹി പ്രാന്തത്തിലെ ആര്എസ്എസ് പ്രവര്ത്തകരാണ് രാമഭക്തിയും രാഷ്ട്രഭക്തിയും സമന്വയിപ്പിച്ച ഘോഷ് പഥസഞ്ചലനം നടത്തിയത്.
സരയു തീരത്ത് നിന്ന് ശ്രീരാമസന്നിധിയിലേക്ക് നടത്തിയ പഥസഞ്ചലനം വീണ ചൗക്കില് രാഗ വിസ്മയം തീര്ത്തു. ബലിദാനികളായ കര്സേവകര്ക്കും ലതാമങ്കേഷ്കര്ക്കും ശ്രദ്ധാഞ്ജലി അര്പ്പിച്ച ഘോഷ് ദളം ഹനുമാന്ഗഡിയിലെത്തി അര്ച്ചന നടത്തി. രാമപഥില് സ്ഥിര വദന അവതരിപ്പിച്ചു. ശ്രീരാമ ജന്മഭൂമി തീര്ത്ഥക്ഷേത്രത്തിന്റെ പ്രധാന കവാടത്തില് ശ്രീരാമാര്ച്ചന നടത്തിയാണ് സഞ്ചലനം സമാപിച്ചത്.
ശംഖ്, ശൃംഗവാദ്യം, വേണു എന്നിവയുടെ മനോഹരമായ രചനകളും ആനകില് പ്രേരണാദായകമായ പ്രദര്ശനവും ആവേശമായി. എല്ലാ ഘോഷ് രചനകളും വിവിധ ഭാരതീയ രാഗങ്ങളെയും താളങ്ങളെയും അടിസ്ഥാനമാക്കിയുള്ളതായിരുന്നു. പതിവ് ഘോഷ് രചനകള്ക്കുപുറമേ ജയോസ്തുതേ, രാം സ്തുതി, രാം ഭക്ത് ലെ ചലാ രേ രാം കി നിശാനി, ശ്രീരാമ ചന്ദ്രകൃപാലു ഭജമന്’ എന്നീ ഗാനങ്ങളും പരിപാടിയുടെ ഭാഗമായി.
