ട്രിച്ചി:എന്ഐടി ട്രിച്ചിയുടെ വാര്ഷിക അന്താരാഷ്ട്ര ടെക്നോ-മാനേജീരിയല് ഫെസ്റ്റ് പ്രഗ്യാന് ഫെബ്രുവരി 19 മുതല് 22 വരെ നടക്കും. പരിപാടിയുടെ 22-ാമത് പതിപ്പാണിത്.വിദ്യാര്ത്ഥികളെ പ്രചോദിപ്പിക്കുകയും പരിമിതികളെ മറികടക്കുകയും ,നവീനാശയങ്ങള് ആഘോഷിക്കുകയും ചെയ്യുന്നതാണ് പ്രഗ്യാന്.
വിപുലമായ പരിപാടികള്,ശില്പശാലകള്, അതിഥി പ്രഭാഷണങ്ങള് എന്നിവയും പരിപാടിയുടെ ഭാഗമായി സംഘടിപ്പിക്കുന്നുണ്ട്. ‘അനാക്രോണിയ:’ എന്ന പ്രമേയത്തിലാണ് 22-ാമത് പതിപ്പ് സംഘടിപ്പിച്ചിട്ടുളളത്. രണ്ട് ദിവസത്തെ ഓപ്പണ്ഹൗസില് ഒന്നിലധികം വകുപ്പുകളില് നിന്നും സാങ്കേതിക ക്ലബ്ബുകളില് നിന്നുമുള്ള പദ്ധതികള് ഒരുമിച്ച് കൊണ്ടുവരുന്നതിലൂടെ വിദ്യാര്ത്ഥികള്ക്ക് അവരുടെ പ്രവര്ത്തനങ്ങള് അവതരിപ്പിക്കാനും പ്രധാന സവിശേഷതകള് എടുത്തുകാണിക്കാനും ഫാക്കല്റ്റിക്കും നിക്ഷേപകര്ക്കും മുന്നില് യഥാര്ത്ഥ ലോകത്തിലെ പ്രശ്നപരിഹാര സാധ്യതകള് പ്രദര്ശിപ്പിക്കാനും വേദി നല്കുന്നു.
രാജ്യമെമ്പാടുമുള്ള വിദ്യാര്ത്ഥികളെ ആകര്ഷിക്കുന്ന ഇന്ജീനിയം പ്രഗ്യാന്റെ ദേശീയതല സാങ്കേതിക മത്സരമാണ്. സമൂഹത്തിന്റെ വളര്ച്ചയ്ക്കും വികസനത്തിനും നിര്ണായകമായ മേഖലകളിലെ നൂതനാശയങ്ങള്ക്ക് പ്രചോദനം നല്കുന്ന പുതിയ ആശയങ്ങളും സൃഷ്ടിപരമായ ചിന്തയും വളര്ത്തിയെടുക്കാന് ഇത് സഹായിക്കുന്നു. പ്രഗ്യാന്റെ മുന്നിര ഹാര്ഡ്വെയര് ഹാക്കത്തോണ് ആയ സംഗം, തിരുച്ചിറപ്പള്ളി എന്ഐടി വിദ്യാര്ത്ഥികള്ക്ക് യഥാര്ത്ഥ ലോകത്തിലെ വെല്ലുവിളികളെ നേരിടുന്നതിനും അടിസ്ഥാന തലത്തില് സ്വാധീനം സൃഷ്ടിക്കുന്ന പ്രായോഗിക പരിഹാരങ്ങള് നിര്മ്മിക്കുന്നതിനും ഒരു വേദി നല്കുന്നു.
ലിനക്സ്, സാംസംഗ്, മെഴ്സിഡസ് തുടങ്ങിയ പ്രശസ്ത കമ്പനികളുമായി സഹകരിച്ച് വിവിധതരം ശില്പശാലകളും പ്രഗ്യാന്റെ നേതൃത്വത്തില് നടക്കുന്നു. ഈ ശില്പശാലകശളില് പങ്കെടുക്കുന്നവര്ക്ക് അവര് ഇഷ്ടപ്പെടുന്ന മേഖലകളില് പ്രായോഗിക കഴിവുകള് വളര്ത്തിയെടുക്കാനും അതത് മേഖലകളില് ഭാവിയിലെ ഉദ്യമങ്ങള്ക്ക് സജ്ജമാകാനും അവരെ സഹായിക്കുന്നു.
