ധാക്ക: ബംഗ്ലാദേശിലെ പതിമൂന്നാമത് പാർലമെന്റ് തെരഞ്ഞെടുപ്പിൽ വോട്ട് കഴിഞ്ഞ് വോട്ടെണ്ണൽ തുടങ്ങി. ആകെവോട്ടർമാരിൽ പകുതിയേ വോട്ടുചെയ്തിട്ടുള്ളു. ബാലറ്റ് പേപ്പർ വോട്ടിങ്ങായതിനാൽ വട്ടമിട്ടിരുന്നുള്ള വോട്ടെണ്ണൽ പൂർത്തിയാക്കി എന്ന് ഫലം വരുമെന്നകാര്യത്തിൽ ഉറപ്പില്ല. കൃത്യമായ വോട്ടിങ് ശതമാനം പോലും പുറത്തുവിടാനായിട്ടില്ല. വൈകിട്ട് നാലരയക്ക് വോട്ടെടുപ്പ അവസാനിച്ചപ്പോഴും ഉച്ചയ്ക്ക് 2 മണിവരെ 48 ശതമാനം എന്നേ പറയാൻ കഴിഞ്ഞിട്ടുള്ളു.
ഫലങ്ങൾക്കായി കാത്തിരിക്കുകയാണെന്ന് ഭാരത വിദേശകാര്യവകുപ്പ് വക്താവ് പറഞ്ഞു.
പ്രതിവാര മാധ്യമസമ്മേളനത്തിൽ വിദേശകാര്യ മന്ത്രാലയ വക്താവ് രൺധീർ ജയ്സ്വാൾ ഇങ്ങനെ പറഞ്ഞു: ”ബംഗ്ലാദേശിൽ തെരഞ്ഞെടുപ്പ് നടക്കുന്നു. ഏത് തരത്തിലുള്ള ജനവിധിയാണ് പുറത്തുവന്നതെന്ന് കാണാൻ ഫലത്തിനായി കാത്തിരിക്കണം, അതിനുശേഷം, അവിടെയുള്ള പ്രശ്നങ്ങൾ ഞങ്ങൾ പരിശോധിക്കും. തെരഞ്ഞെടുപ്പിനെ സംബന്ധിച്ചിടത്തോളം, ഞങ്ങളുടെ നിലപാട് എന്താണെന്ന് നിങ്ങൾക്കറിയാം. ബംഗ്ലാദേശിലെ സ്വതന്ത്രവും നീതിയുക്തവും എല്ലാവരെയും ഉൾക്കൊള്ളുന്നതും വിശ്വസനീയവുമായ തിരഞ്ഞെടുപ്പുകൾക്കായി ഞങ്ങൾ നിലകൊള്ളുന്നു.” ക്ഷണം ലഭിച്ചിട്ടും ബംഗ്ലാദേശിലേക്ക് ഒരു തെരഞ്ഞെടുപ്പ് നിരീക്ഷകരെയും നിയോഗിക്കേണ്ടതില്ലെന്ന് ഭാരതം തീരുമാനിച്ചതായി ജയ്സ്വാൾ പറഞ്ഞു.
വോട്ടിങ്ങിന്റെ തലേന്നായ ഫെബ്രുവരി 11 വൈകുന്നേരം മുതൽ പോളിംഗ് കേന്ദ്രങ്ങളിൽ പിടിച്ചെടുക്കൽ, വെടിവയ്പ്പ്, വോട്ട് വാങ്ങൽ, ബാലറ്റ് സ്റ്റാമ്പിംഗ്, ഏജന്റ് ഒപ്പിട്ട ഫലങ്ങൾ എന്നിവ ഉണ്ടായി. ഇത് അവാമി ലീഗ് അനുയായികൾക്കും ന്യൂനപക്ഷങ്ങൾക്കും നേരെയുള്ള ആക്രമണങ്ങൾ ഉണ്ടായി. തെരഞ്ഞെടുപ്പ് കമ്മീഷൻ ഡാറ്റ പ്രകാരം ഇന്ന് രാവിലെ 11 മണിയോടെ 14.96% മാത്രമായിരുന്നു വോട്ടിങ് ശതമാനം.
വോട്ടെടുപ്പ് ഉടൻ റദ്ദാക്കണമെന്നും, ‘കൊലപാതക-ഫാസിസ്റ്റ്’ എന്ന നിലയിൽ യൂനുസ് രാജിവയ്ക്കണമെന്നും, രാഷ്ട്രീയ തടവുകാരെ മോചിപ്പിക്കണമെന്നും, അവാമി ലീഗിന്റെ നിരോധനം പിൻവലിക്കണമെന്നും നാടുകടത്തപ്പെട്ട അവാമി ലീഗ് നേതാവ് ഷെയ്ഖ് ഹസീന പറഞ്ഞു. ജനാധിപത്യ അവകാശങ്ങൾ പുനസ്ഥാപിക്കുന്നതിനായി നിഷ്പക്ഷമായ ഒരു കെയർടേക്കർ സർക്കാരിന്റെ കീഴിൽ പുതിയ തെരഞ്ഞെടുപ്പ് നടത്തണമെന്നും മുഹമ്മദ് യൂനുസിന്റെ ‘നിയമവിരുദ്ധവും ഭരണഘടനാവിരുദ്ധവുമായ’ തെരഞ്ഞെടുപ്പ് നിരസിച്ചു, തന്റെ പാർട്ടി ഇല്ലാതെ വോട്ടർമാരില്ലാത്ത പ്രഹസനമായി മുദ്രകുത്തി, അവർ പറഞ്ഞു.
