കോട്ടയം: നിയമസഭാ തെരഞ്ഞെടുപ്പില് ജോസ് കെ മാണി പാലയില് തന്നെ മത്സരിക്കുമെന്ന് മന്ത്രി റോഷി അഗസ്റ്റിന്. കഴിഞ്ഞ തവണ മാണി സി കാപ്പനോട് ഏറ്റുമുട്ടി തോറ്റു നില്ക്കുന്ന ജോസ് കെ മാണിയെ വെട്ടിലാക്കിക്കൊണ്ടാണ് റോഷി അഗസ്റ്റിന്റെ കരുനീക്കം. ജോസ് കെ മാണിയോട് തെരഞ്ഞെടുപ്പില് മത്സരിക്കുമോ എന്ന മാധ്യമപ്രവര്ത്തകരുടെ ചോദ്യത്തിനിടയില് മൈക്ക് വാങ്ങി മന്ത്രി റോഷി അഗസ്റ്റിന് മത്സരപ്രഖ്യാപനം നടത്തുകയായിരുന്നു. ഇടതു പക്ഷത്തിന് യാതൊരു ജയപ്രതീക്ഷയുമില്ലാത്ത അടുത്ത നിയമസഭാ തെരഞ്ഞെടുപ്പില് ഇടതു പക്ഷ സ്ഥാനാര്ത്ഥിയായി പാലായില് മല്സരിക്കുന്നതില് വലിയ റിസ്ക്കുണ്ടെന്ന ബോധ്യത്തിലാണ് ജോസ് കെ. മാണി. പാലാ ജോസ് കെ. മാണിക്ക് ഇപ്പോള് സുരക്ഷിത മണ്ഡലമല്ല. ലോക്സഭയിലേക്കും നിയമസഭയിലേക്കും പരാജയപ്പെട്ട മാണി വിഭാഗത്തിന് അടുത്തിടെ നഗരസഭാ ഭരണവും നഷ്ടമായിരുന്നു. ഇതിനിടെയാണ് റോഷി അങ്കം കുറിച്ചിരിക്കുന്നത്. പിന്മാറാന് കഴിയാത്ത വിധം വെട്ടിലാണ് ജോസ് കെ. മാണി വന്നു പെട്ടിരിക്കുന്നത്. ജോസ് കെ. മാണിയെ നിഷ്പ്രഭനാക്കി, പിണറായിയുടെ പിന്തുണയോടെ പാര്ട്ടി പിടിക്കാന് റോഷി ശ്രമിക്കുന്നുവെന്ന ആരോപണത്തിന്റെ പശ്ചാത്തലത്തില് കൂടിയാണ് ഇതിനെ അണികള് നോക്കിക്കാണുന്നത്.
ജോസ് കെ മാണിയെ വെട്ടിലാക്കി റോഷി അഗസ്റ്റിന് പാലായില് അങ്കം കുറിച്ചു!
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.